SuperDizionari

regjon s.f.
(re-gjon)

Estension largje di teritori cun carateristichis sôs di teren, clime, faune, flore e v.i.

sinonims

aree, zone

esemplis

"[cuntun ciclon sul Mediterani] i aiars jù a tiere su la regjon alpine e su la Italie a vegnin di Est Nordest"

gjavât fûr di "Notis di meteorologjie pal Friûl - Vignesie Julie" di Stefano Micheletti, Marcellino Salvador

"Bossange al descrîf il Canadà tant che une regjon enorme, pal plui di lenghe e di civiltât francese, dulà che i talians a puedin cjatâ dut ce che a sperin di cjatâ in France"

gjavât fûr di "La emigrazion dal Friûl - Vignesie Julie in Canadà" di Javier Grossutti

regjon s.f.
(re-gjon)

Teritori cun ciertis carateristichis antropichis

esemplis

"prodots plui sigûrs, che no dissipin lis risorsis naturâls e che a ridusin il sfrutament des regjons sotsvilupadis"

gjavât fûr di "Guide par un consum just e solidâl" di Buteghe dal Mont, Luche Nazzi

regjon s.f.
(re-gjon)

Ancje cun iniz. maiusc., organisim teritoriâl cun podê aministratîf e legjislatîf, dentri di un stât

esemplis

"ognidun [...] al impararès a capî e a doprâ la sô inteligjence te direzion dal Comun e de Regjon, dentri un confin avonde stret par no fâ sbalgjos masse grues"

gjavât fûr di "A scuele di autonomie" di Josef Marchet

"la Regjon Friûl - VJ e à rinunziât a meti in vore la sô autonomie, tacant di Renzo Tondo che al saveve di dovê la sô posizion dome ae fedeltât al so partît roman, e no ai eletôrs furlans"

gjavât fûr di "Vuere e pâs - Il conflit linguistic in Friûl jenfri vuere cidine e pâs bausarie" di Sandri Carrozzo

regjon s.f.
(re-gjon)

[TS] (anat.) Part dal cuarp

esemplis

"la ativazion dal emisferi diestri in regjons omologhis a chês dal emisferi di çampe e je stade viodude inte plui part dai compits linguistics"

gjavât fûr di "Neuroimagjins funzionâls e cerviel bilengâl" di Daniela Perani

monolengâl