SuperDizionari

resistence s.f.
(re-sis-ten-ce)

Azion e sfuarç par fâ cuintri a cdn. o a alc, sedi materiâl che imateriâl

sinonims

oposizion, contrast

esemplis

"[tal 1848] a Udin, il gjenerâl Auer, al consegnà, cence nissune resistence, la citât e lis dôs fuartecis furlanis al Comitât provisori"

gjavât fûr di "Cuintristorie dal Friûl fin sot la Italie" di Josef Marchet

"par une vere autonomie regjonâl, invezit, lis resistencis de plui part dai partîts a restavin fuartis"

gjavât fûr di "Un Friûl difarent: i 90 mhz di Onde Furlane" di Max Mauro

Viôt ancje: resistenzie

resistence s.f.
(re-sis-ten-ce)

Capacitât di operâ e di durâ intun sfuarç, intun lavôr, intune funzion e v.i., sedi fisic che psicologjic, o di restâ salt intune situazion negative, di sopuartâ dolôr, mâl e v.i.

esemplis

"la none no veve plui la resistence di une volte. Par jê a jerin strachis di cjoli il flât, dome a lâ sù par adalt"

gjavât fûr di "Cjase di Dalban" di Maria Forte

""[...] el pes lu frizin la sere prime e lu metin a polsâ intune grant tirine, cuviart di zevole cuete tal vueli e asêt [...]" "Robe grevie..." "Secont la resistence dal bultric!""

gjavât fûr di "Viaç a Vignesie" di Arturo Feruglio

resistence s.f.
(re-sis-ten-ce)

Fermece, ancje morâl (fig.)

esemplis

"ogni sclariment i veve indebilît la resistence di femine oneste"

gjavât fûr di "Mabile la Lunghine" di Maria Forte

resistence s.f.
(re-sis-ten-ce)

Proprietât di un materiâl di tignî a colps, scjassadis, trazions e v.i., cence sclapâsi, rompisi, çoncjâsi, disformâsi, vuastâsi e v.i.

esemplis

"lis RPM, ultimis nassudis jenfri i materiâi di costruzion, a son des maltis in stât di dâ resistencis mecanichis ancje plui grandis di chês furnidis dai betons armâts plui bogns"

gjavât fûr di "Maltis armadis pes struturis dal tierç mileni" di Alessandro Bachiorrini

resistence s.f.
(re-sis-ten-ce)

[TS] (sport) Capacitât di un atlete a fâ un sfuarç che al dure a dilunc, massime intes garis tant che la marcje, la corse di lungje distance e v.i.

resistence s.f.
(re-sis-ten-ce)

[TS] (fis.) Ogni fuarce che e contraste la fuarce agjente

resistence s.f.
(re-sis-ten-ce)

[TS] (biol.) Disposizion di un organisim a oponisi ai agjents esternis che a puedin metilu in dificoltât, tant che atacs di microorganisims, di sostancis tossichis e v.i.

esemplis

"otignî gnovis varietâts che a metessin dongje la resistence a lis malatiis cuntune buine cualitât de ue e dal vin"

gjavât fûr di "Lis varietâts di vît resistentis a lis malatiis" di Enrico Peterlunger

resistence s.f.
(re-sis-ten-ce)

[TS] (stor.) Oposizion armade cuintri di une ocupazion o di une ditature, spec. cun riferiment ae lote partigjane cuintri dai naziscj e dai fassiscj

esemplis

"Antifassisim, Resistence e Liberazion a son alc di impuartant par dut il Friûl"

gjavât fûr di "25 di Avrîl: Fieste de Liberazion, Fieste dal Friûl" di Marc Stolf

monolengâl