SuperDizionari

monolengâl

ribel adi., s.m.
(ri-bel)

Che, cui che si rivolte cuintri di une autoritât o cuintri di un dominadôr, ancje cu lis armis

sinonims

rivoltôs

esemplis

"al jere scûr e frediç e i ribei cui cosacs in cercli, a començavin a viodile brute"

gjavât fûr di "Par stradis lungjis" di Alan Brusini

"e jere rivade une letare dal segretari politic dal so paîs là che al diseve che lui, Zilugne, al jere un «ribel», un comunist"

gjavât fûr di "Zilugne" di Pieri Menis

"feudataris ribei, che doi agns prin a Sant Zorç de Richinvelde a vevin maçât il Patriarcje Bertrant di Saint- Genies"

gjavât fûr di "Cjopris - Viscon" di Agnul di Spere

ribel adi., s.m.
(ri-bel)

Che, cui che nol ubidìs, che nol à rispiet a priori pe autoritât, pe dissipline, pes convenzions e v.i.

sinonims

cjaviestri, indissiplinabil, indissiplinât, rebolât, refratari, ruviers, insubordenât, salvadi

esemplis

"spirt ribel e caratar ruspit, al spaurive chel che al veve denant par vie dal fisicat oltri che de vôs fuarte e decise"

gjavât fûr di "Felix Marchi e il sium dal furlan-furlan" di Max Mauro

"un frut ribel e ustinât"

gjavât fûr di "Astrid Lindgren, ‘Milio. Te version furlane de Vinìare di Visinâl di Buri’, Triest 2016" di Laurin Zuan Nardin

torne sù