SuperDizionari

torne indaûr

monolengâl

ricevi v.tr.
(ri-ce-vi)

Acetâ alc che al ven dât, mandât, concedût (ancje fig.)

sinonims

acetâ, cjoli, cjapâ, vê

esemplis

"o ai ricevût une biele letare di protestis"

gjavât fûr di "Rispueste: cjalâ e tasê" di Riedo Pup

"il marangon al veve ricevût l'ordin di mudâ la cualitât dal legnam"

gjavât fûr di "Cretevierte" di Roberto Ongaro

"se si ricêf mâl bisugne tornà ben"

gjavât fûr di "Resurezion a Pontinie" di Pieri Somede dai Marcs

"una nidada numerosa di creaturis, che da la pescja del pari ricevevin la misera sussistença"

gjavât fûr di "Il me paîs" di Federigo Comelli

Viôt ancje: aricevi

ricevi v.tr.
(ri-ce-vi)

Fâ acet a cdn.

sinonims

acolzi, cjapâ, cjatâ, dâ acet, logâ, sotetâ

esemplis

"a Einsiedeln i furlans si sintin confuartâts, cuant che a viodin che a riceviju e a saludâju a son presintis lis autoritâts di lenghe todescje, francese, grisonese e taliane"

gjavât fûr di "Fûr che al vegni cui che al è stât" di Riedo Pup

"Udin al ricevè in trionf il Bataion Tumieç che al tornave vitoriôs, ma srarît de muart"

gjavât fûr di "Sul agâr" di Pieri Menis

ricevi v.tr.
(ri-ce-vi)

Vê une visite di cortesie o un colocui cun cdn. che al ven a fevelâ, spec. di argoments professionâi o formâi

esemplis

"biele vile, tante robe, femenute fine e ben vistide che e sa cemût ricevi i amîs impuartants"

gjavât fûr di "Alc si è rot" di Antescûr

"il martars la Siore e riceveve visitis"

gjavât fûr di "Come tai romançs" di Alan Brusini

"tor dîs, cuant che al saveve che il cjapitani al riceveve tal so ufici, si presentà in caserme"

gjavât fûr di "Il muc" di Roberto Ongaro

ricevi v.tr.
(ri-ce-vi)

[TS] (telecom.) Captâ un segnâl radioeletric, televisîf, telefonic o un flus di dâts e v.i. (ancje ass.)

sinonims

cjapâ

esemplis

"il telefon ca nol ricêf ben"

"no ducj i k-bits trasmetûts a vignaran ricevûts in maniere corete e che il sisteme al presente une probabilitât di erôr"

gjavât fûr di "La societât de informazion: cirint lis origjins" di Valentino Castellani

ricevi v.tr.
(ri-ce-vi)

[TS] (sport) Cjapâ la bale butade di un compagn di scuadre o di un aversari (ancje ass.)

sinonims

cjapâ

esemplis

"De Paul, che al ricêf di Pereyra e dal limit al tire in puarte cu la bale che e finìs fûr di un nuie"

gjavât fûr di "Udinese – Inter 0-0" di Marc Stolf

detulis

"al è miôr dâ che no ricevi"

"al è miôr ricevilis che no fâlis"

"l'insult al è di cui che lu fâs e no di cui che lu ricêf"

"la asenade e je di cui che le fâs e no di cui che le ricêf"

"la vilanie e je di chel che le fâs, no di chel che le ricêf"

torne sù