Hai cercato la parola
monolingue
Torna indietro

monolingue

ricevi v.tr.
(ri-ce-vi)
Acetâ alc che al ven dât, mandât, concedût (ancje fig.)
sinonimi
acetâ, cjoli, cjapâ, vê
esempi
"o ai ricevût une biele letare di protestis"
da "Rispueste: cjalâ e tasê" di Riedo Pup
"il marangon al veve ricevût l'ordin di mudâ la cualitât dal legnam"
da "Cretevierte" di Roberto Ongaro
"se si ricêf mâl bisugne tornà ben"
da "Resurezion a Pontinie" di Pieri Somede dai Marcs
"una nidada numerosa di creaturis, che da la pescja del pari ricevevin la misera sussistença"
da "Il me paîs" di Federigo Comelli
Vedi anche: aricevi
ricevi v.tr.
(ri-ce-vi)
Fâ acet a cdn.
sinonimi
acolzi, cjapâ, cjatâ, dâ acet, logâ, sotetâ
esempi
"a Einsiedeln i furlans si sintin confuartâts, cuant che a viodin che a riceviju e a saludâju a son presintis lis autoritâts di lenghe todescje, francese, grisonese e taliane"
da "Fûr che al vegni cui che al è stât" di Riedo Pup
"Udin al ricevè in trionf il Bataion Tumieç che al tornave vitoriôs, ma srarît de muart"
da "Sul agâr" di Pieri Menis
ricevi v.tr.
(ri-ce-vi)
Vê une visite di cortesie o un colocui cun cdn. che al ven a fevelâ, spec. di argoments professionâi o formâi
esempi
"biele vile, tante robe, femenute fine e ben vistide che e sa cemût ricevi i amîs impuartants"
da "Alc si è rot" di Antescûr
"il martars la Siore e riceveve visitis"
da "Come tai romançs" di Alan Brusini
"tor dîs, cuant che al saveve che il cjapitani al riceveve tal so ufici, si presentà in caserme"
da "Il muc" di Roberto Ongaro
ricevi v.tr.
(ri-ce-vi)
[TS] (telecom.) Captâ un segnâl radioeletric, televisîf, telefonic o un flus di dâts e v.i. (ancje ass.)
sinonimi
cjapâ
esempi
"il telefon ca nol ricêf ben"
"no ducj i k-bits trasmetûts a vignaran ricevûts in maniere corete e che il sisteme al presente une probabilitât di erôr"
da "La societât de informazion: cirint lis origjins" di Valentino Castellani
ricevi v.tr.
(ri-ce-vi)
[TS] (sport) Cjapâ la bale butade di un compagn di scuadre o di un aversari (ancje ass.)
sinonimi
cjapâ
esempi
"De Paul, che al ricêf di Pereyra e dal limit al tire in puarte cu la bale che e finìs fûr di un nuie"
da "Udinese – Inter 0-0" di Marc Stolf
proverbi
"al è miôr dâ che no ricevi"
"al è miôr ricevilis che no fâlis"
"l'insult al è di cui che lu fâs e no di cui che lu ricêf"
"la asenade e je di cui che le fâs e no di cui che le ricêf"
"la vilanie e je di chel che le fâs, no di chel che le ricêf"
Torna in Cima