SuperDizionari

ricognossi v.tr.
(ri-co-gno-ssi)

Cjapâ cussience de identitât e des caratersitichis di cdn. o di alc, spec. se al jere za stât cognossût o se si veve vût informazions su di lui

sinonimi

cognossi

esempi

"Marcuç cu la muse ancjemò plui spavide parsore il façolet scarlat, al someà ricognossilu, ma i passà denant cence bati voli"

da "Sul agâr" di Pieri Menis

"un pôc spaurît pal fat che nol veve par nuie ricognossût il lûc, si jere voltât cu la intenzion di tornâ indaûr"

da "La liende dal riûl" di Franca Mainardis

Vedi anche: ricognossji

ricognossi v.tr.
(ri-co-gno-ssi)

Ameti che alc al sedi vêr

sinonimi

acetâ, ameti

esempi

"se o cjatassin dentri un sôl fregul di sostance positive, o saressin ancje bogn di ricrodisi e di ricognossi il nestri tuart, parcè che nissune mistiche no sta di cjase ca di nô"

da "Ce che a vuelin" di Josef Marchet

"al è simpri masse dificil ricognossi la pierdite di une persone che tu i âs volût ben par agns e agns"

da "Ricuarts e inlusions" di Enrico Martina

ricognossi v.tr.
(ri-co-gno-ssi)

Dâ, daûr di un dirit o di une concession

esempi

"la autonomie speciâl nus è stade ricognossude: cumò nus tocje a nô viodi ce sostanzie che e varà, fin dulà che e rivarà, cemût che e vignarà imbastide"

da "Ancje cheste e je fate" di Josef Marchet

ricognossi v.tr.
(ri-co-gno-ssi)

Determinâ dopo di une valutazion, di un judizi

sinonimi

declarâ, judicâ

esempi

"cualchi an dopo si scuvierç la fotosensibilitât dal seleni che no si saveve cemût interpretâ. Cheste ultime scuvierte e ven ricognossude a Willoughby Smith"

da "Lis celis organichis nanostruturadis" di Lorenzo Marcolini

"ricognossi l'imputât colpevul di dutis lis acusis"

ricognossi v.tr.
(ri-co-gno-ssi)

[TS] (dir.) Declarâ la paternitât in maniere uficiâl

esempi

""[il frutin] Al è di mê sûr… lu à vût cuntun lavorent de sartorie indulà che e lave a vore." "Po ben che lu ricognossi lui…" "Nol po, al è maridât… al è scjampât tal Canadà""

da "Anzule" di Pieri Somede dai Marcs

ricognossi v.tr.
(ri-co-gno-ssi)

[TS] (dir.) Declarâ une organizazion legjitime, ven a stâi sogjet juridic

ricognossi v.tr.
(ri-co-gno-ssi)

[TS] (dir.intern.) Acetâ de bande di un stât che al esist un stât gnûf o un guvier gnûf

esempi

"te Europe ocidentâl, la prime a ricognossi la Slovenie e je stade la Islande"

da "Slovenie. Si fasin i 25 agns de indipendence: i numars di un gnûf Stât" di Tjaša Gruden

monolingue