SuperDizionari

ricognossiment s.m.
(ri-co-gno-ssi-ment)

Il ricognossi e il so risultât

sinonims

identificazion

esemplis

"se lis regulis a disposizion dal program a son buinis il ricognossiment al è coret intune percentuâl che e pues rivâ tor dal 95%"

gjavât fûr di "La elaborazion di un corpus etichetât de lenghe furlane scrite: esperiments e prospetivis" di Sandri Carrozzo, Franz Feregot

Viôt ancje: ricognossjiment

ricognossiment s.m.
(ri-co-gno-ssi-ment)

Il cjapâ at de veretât di un fat, di une situazion e des sôs consecuencis

sinonims

acetazion, amission

esemplis

"la bataie pal ricognossiment uficiâl dal furlan e jere une des motivazions che a vevin sburtât il grup fondadôr di Onde Furlane a dâsi adun"

gjavât fûr di "Un Friûl difarent: i 90 mhz di Onde Furlane" di Max Mauro

"i cjastelans a domandarin il ricognossiment des lôr prerogativis, lis Comunitâts il mantigniment dai lôr statûts, il Parlament la conservazion dai siei dirits e regolaments"

gjavât fûr di "Cuintristorie dal Friûl fin sot la Italie" di Josef Marchet

ricognossiment s.m.
(ri-co-gno-ssi-ment)

Preseament o premi pal valôr di alc o di cdn.

sinonims

laut, premi

esemplis

"ancje se al fevele di se stes, di chel che al à fat pe difese dal estuari [...] e dai ricognossiments che i forin dâts, lu fâs simpri cun modestie"

gjavât fûr di "Zuan Batiste Cavedalis - Une vite esemplâr" di Giovanni Pillinini

"ai colonos che a vevin fat tresinte o cuatricent anadis di cariere sot un paron [...] ur àn vût dât une medaie di ricognossiment, une crôs di lavôr"

gjavât fûr di "I furlans e i parons" di Riedo Pup

ricognossiment s.m.
(ri-co-gno-ssi-ment)

[TS] (dir.) At che i gjenitôrs a fasin par ricognossi un fi nassût fûr dal matrimoni

esemplis

"e compagnave tal mio studi di nodâr cualchi femine di chês dal ospizi, di chês puaris feminis o tradidis o che si son lassadis tradî, par firmâ l'at di ricognossiment di chê creaturute"

gjavât fûr di "Anzule" di Pieri Somede dai Marcs

monolengâl