Tu âs cirût la peraule
monolengâl
torne indaûr

monolengâl

rie s.f.
(ri-e)
Segn lunc e fin o robe che e à une forme o un percors lunc e fin
sinonims
bande, fasse, striche, linie
esemplis
"la rie blancje dal confin e varès vût di lâ daûr dal paralêl gjeografic al milesim"
gjavât fûr di "La cjase di Toni" di Tarcisio Venuti
rie s.f.
(ri-e)
File di personis o di robis
sinonims
file, schirie
esemplis
"di là da la Aghe che il cîl al ven sù di daûr de rie dai pôi e il Tiliment, grant, nol finìs plui cul so lavio dut riât di aghe"
gjavât fûr di "La aghe da pît la cleve" di Dino Virgili
"i zovenats dal paîs a disevin di lâ a messe e invezit a stavin dentri dome cinc minûts tes ultimis riis des bancjis o dongje de puarte"
gjavât fûr di "Mater Tenebrarum" di Checo Tam
rie s.f.
(ri-e)
Segn lunc che si viôt tra dôs alis di cjavei petenadis une di une bande e une di chê altre
sinonims
spartidure
esemplis
"il Signôr al ordenà a sant Pieri di petenâlu. Al puartave i cjavei a la nazarene e sant Pieri cul disgredei i faseve la rie"
gjavât fûr di "Il voli del Signôr" di Catarine Percude
rie s.f.
(ri-e)
Ognidune des secuencis di peraulis di un test scrit che a son ae stesse altece te pagjine
sinonims
linie
esemplis
"cuant che la letare e fo publicade interie [...], tes primis riis si podeve lei che al jere stât «in cjase dal Lutignint»"
gjavât fûr di "Friûl e furlans te Histoire de ma vie di Giacomo Casanova" di Pierluigi Visintin
"inte ultime rie di dut il sfuei, da pît dal sonet, o leìn «Original da conservassi»"
gjavât fûr di "Doi autografs di Toni Broili framieç dai manuscrits furlans di Berlin conservâts a Cracovie" di Zorç Cadorin
rie s.f.
(ri-e)
Imprest par dissegnâ liniis dretis
esemplis
"une rie di sessante centimetris"
"un dissen fat cun rie e compàs"
rie s.f.
(ri-e)
Strissule piçule e strete che si prepare par tirà sù cul nâs droghis in polvar (zerg.)
esemplis
"tirâ sù une rie di cocaine"
rie s.f.
(ri-e)
[TS] (telecom.) Segnâl lunc tal codiç Morse
sinonims
linie
esemplis
"une usme scognossude, une rie, un pont, letaris che no son peraulis, peraulis che no son lenghe"
gjavât fûr di "Kebar krossè" di Stiefin Morat
detulis
"trê robis in rie, il diaul al strie"
torne sù