Hai cercato la parola
monolingue
Torna indietro

monolingue

rie s.f.
(ri-e)
Segn lunc e fin o robe che e à une forme o un percors lunc e fin
sinonimi
bande, fasse, striche, linie
esempi
"la rie blancje dal confin e varès vût di lâ daûr dal paralêl gjeografic al milesim"
da "La cjase di Toni" di Tarcisio Venuti
rie s.f.
(ri-e)
File di personis o di robis
sinonimi
file, schirie
esempi
"di là da la Aghe che il cîl al ven sù di daûr de rie dai pôi e il Tiliment, grant, nol finìs plui cul so lavio dut riât di aghe"
da "La aghe da pît la cleve" di Dino Virgili
"i zovenats dal paîs a disevin di lâ a messe e invezit a stavin dentri dome cinc minûts tes ultimis riis des bancjis o dongje de puarte"
da "Mater Tenebrarum" di Checo Tam
rie s.f.
(ri-e)
Segn lunc che si viôt tra dôs alis di cjavei petenadis une di une bande e une di chê altre
sinonimi
spartidure
esempi
"il Signôr al ordenà a sant Pieri di petenâlu. Al puartave i cjavei a la nazarene e sant Pieri cul disgredei i faseve la rie"
da "Il voli del Signôr" di Catarine Percude
rie s.f.
(ri-e)
Ognidune des secuencis di peraulis di un test scrit che a son ae stesse altece te pagjine
sinonimi
linie
esempi
"cuant che la letare e fo publicade interie [...], tes primis riis si podeve lei che al jere stât «in cjase dal Lutignint»"
da "Friûl e furlans te Histoire de ma vie di Giacomo Casanova" di Pierluigi Visintin
"inte ultime rie di dut il sfuei, da pît dal sonet, o leìn «Original da conservassi»"
da "Doi autografs di Toni Broili framieç dai manuscrits furlans di Berlin conservâts a Cracovie" di Zorç Cadorin
rie s.f.
(ri-e)
Imprest par dissegnâ liniis dretis
esempi
"une rie di sessante centimetris"
"un dissen fat cun rie e compàs"
rie s.f.
(ri-e)
Strissule piçule e strete che si prepare par tirà sù cul nâs droghis in polvar (zerg.)
esempi
"tirâ sù une rie di cocaine"
rie s.f.
(ri-e)
[TS] (telecom.) Segnâl lunc tal codiç Morse
sinonimi
linie
esempi
"une usme scognossude, une rie, un pont, letaris che no son peraulis, peraulis che no son lenghe"
da "Kebar krossè" di Stiefin Morat
proverbi
"trê robis in rie, il diaul al strie"
Torna in Cima