SuperDizionari

rigjavâ v.tr.
(ri-gja-vâ)

Rivâ a fâ un prodot a mieç di modificazions, trasformazions, aplicazions tecnichis e v.i.

sinonims

gjavâ, otignî, tirâ fûr

esemplis

"intun pâr di bregons dal so puar om, e rigjavà , a sun di fuarpiis e di gusiele, un pâr di braghessis lungjis par Ricut"

gjavât fûr di "Il muc" di Roberto Ongaro

"Zuanfrancesc al lavorave di uce su lis armaduris par rigjavâ une Madone cui voi lusints e lis streçutis di aur sui timplis"

gjavât fûr di "La aghe da pît la cleve" di Dino Virgili

"i pastôrs a rigjavavin il cali des lidîs e dai flôrs dal Galium aparine"

gjavât fûr di "Casâr? No, «perfezionadôr»…" di Margherita Timeus

rigjavâ v.tr.
(ri-gja-vâ)

Rivâ a vê un risultât, une consecuence, un vantaç

sinonims

vê, gjavâ, otignî

esemplis

"[i imperadôrs] viodint che midiant de diplomazie no rigjavavin mai nuie, a cirivin di sfuarçâ la man a Rome cul impedî ai patriarcjis di visitâ chê part de diocesi che e jere di là"

gjavât fûr di "Cuintristorie dal Friûl fin sot la Italie" di Josef Marchet

rigjavâ v.tr.
(ri-gja-vâ)

Rivâ a vê tant che conclusion di une analisi

sinonims

argomentâ, concludi, dedusi, derivâ, intuî, lampâ, olmâ, prossumâ, gjavâ fûr, tirâ fûr

esemplis

"al è ben viodi ce che si pues rigjavâ di un fat lontan tancj e tancj agnoruns e capî ce che la storie e pues insegnânus ancje in dì di vuê"

gjavât fûr di "La lezion de storie" di Antoni Beline

monolengâl