SuperDizionari

riscatâ v.tr.
(ris-ca-tâ)

Liberâ un ostaç, un presonîr, un sclâf, in gjenar paiant une sume di bêçs

esemplis

"ve [te comedie "Il persian" di Plaut] il servidôr Tossil che al riscate cun l'ingjan la biele sclave che al ame e al trufe il rufian proprietari"

gjavât fûr di "Aquilee e rît cun Lello Arena" di Anna Bogaro

riscatâ v.tr.
(ris-ca-tâ)

Paiâ une sume par jentrâ o tornâ in possès di alc

esemplis

"parfin la cjase di so puar pari, ereditade dai vons e che simpri al contave trops balins che al veve spudât par podê riscatâle dute, ancje la part che ur veve tocjât a lis sôs sûrs!"

gjavât fûr di "Cjampanis" di Laurin Zuan Nardin

riscatâ v.tr.
(ris-ca-tâ)

[TS] (dir.) Tornâ a dâi a une persone ducj i dirits e la capacitât legâl che e veve pierdude par une condane, scancelant chê e i siei efiets

riscatâ v.tr.
(ris-ca-tâ)

Salvâ di un cualsisei pericul, menace o situazion negative

esemplis

"il contadin co l'à un manç chei sta mâl di voie l'è pront, nol piart timp: al cor a cercjâ il marascalç, al sta sù la gnot, al fâs di ogni arbe un fas par riscatâlu"

gjavât fûr di "La fie capriçose e il contrabandîr" di Zuan Ferdinant Dal Tor

"so fi, done Lucrezie, professant i siei ideâi al à sielte la strade dai puars sotans e ju riscate dai siôrs"

gjavât fûr di "Int di masnade" di Alviero Negro

riscatâ v.tr.
(ris-ca-tâ)

Fâ in maniere che cdn. al torni a vê il rispiet o une posizion te societât

sinonims

realdî

esemplis

"o vin di oponisi ancje intal non di chei vecjos, di chei muarts, di chês feminis, di chei fruts, di ducj chei mats che in chestis pirulis [di cuintristorie] o pensin di vê almancul un fregul riscatât"

gjavât fûr di "Cuintristorie de Grande Vuere" di Angelo Floramo

monolengâl