SuperDizionari

monolengâl

riscjâ v.tr.
(ris-cjâ)

Lâ dongje di un pericul o di une pussibilitât negative (ancje ass.)

sinonims

lâ a pericul, periculâ

esemplis

"ancje «Chei dal '64»… A vevin patît, riscjât, ancje lôr, ce no! Chê di metisi cuintri de autoritât, cuintri de leç, cuintri di Diu…"

gjavât fûr di "La aghe da pît la cleve" di Dino Virgili

"difûr al neveave e, par tornâ sul tart, a riscjavin di ribaltâsi cu la machine che e slitave sul glaçât"

gjavât fûr di "Par stradis lungjis" di Alan Brusini

"par vie - juste a pont - de mancjade stabilizazion, si riscje di pierdi par simpri, come che al è za sucedût e al continue a sucedi, il personâl sientific plui preparât"

gjavât fûr di "Relazion dal Grup di lavôr “Planificazion linguistiche”" di Donato Toffoli

Viôt ancje: risiâ

riscjâ v.tr.
(ris-cjâ)

Fâ alc che al pues jessi pericolôs o che al pues no lâ ben

sinonims

olsâ, provâ, riscjâsi, tentâ

esemplis

"une patulie todescje e rivà fin a Ontegnan par cirî cjavai che ur vevin robât. Si fermà cu lis metraiis suntune alture de ferade, ma l'uficiâl che le comandave, al riscjà il so pas, bessôl, fin a Vile"

gjavât fûr di "La Madone de Pâs" di Maria Forte

"par culture di imprese si intint une disponibilitât e une capacitât a fâ imprese, a riscjâ l'invistiment cuant che lis cundizions favorevulis a esistin"

gjavât fûr di "Liniis di storie sociâl e economiche dal Friûl 1500 – 1800" di Adrian Cescje

riscjâ v.tr.
(ris-cjâ)

Lâ dongje de pussibilitât di fâ o di sucedi

sinonims

lâ a pericul, lâ dongje

esemplis

"come sudit fedêl o pues garantî di no vê mai nancje riscjât di pensâ a fâi cuintri ae legjitime autoritât"

gjavât fûr di "Int di masnade" di Alviero Negro

detulis

"bisugne riscjâ se si vûl roseâ"

"nuie nol riscje cui che nol à ce pierdi"

"riscjâ un pôc par no pierdi dut"

"tra il vieli e il novel si riscje di lassâ la piel"

torne sù