Hai cercato la parola
monolingue
Torna indietro

monolingue

rispiet s.m.
(ris-piet)
Sintiment o puartament di stime, riverence, ricognossiment de dignitat di cdn. o di alc
esempi
"se a incuintravin siore Lise le saludavin cun rispiet"
da "Cjase di Dalban" di Maria Forte
"se nol fos stât par rispiet da la etât, i varès insegnât lui a misurâ lis peraulis"
da "Il «comandatôr»" di Pieri Menis
"la propagande interessade no à nissun rispiet par nissune fate di veretât"
da "La unitât cuintri la unitât" di Josef Marchet
Vedi anche: rispit
rispiet s.m.
(ris-piet)
Rivuart, atenzion intai confronts di ogjets, bens, robis
sinonimi
rivuart, scrupul
esempi
"il Land austriac al à imponût, in non dal rispiet dal ambient, limitazions impuartantis al trafic dai Tir"
da "Model Tirôl pal Friûl" di Roberto Pensa
rispiet s.m.
(ris-piet)
Ubidience a un principi, a une istituzion, a une autoritât, a un impegn cjapât e v.i.
sinonimi
osservance
esempi
"un popul nudrît di serietât, di cussience civîl e sociâl, di rispiet aes leçs, di amôr pe justizie"
da "Amôr di patrie!" di Josef Marchet
"in cjase mê no son mai stadis trainis…, ma simpri rispiet pe autoritât, sudizion a lis leçs e fedeltât ai Asburcs"
da "Int di masnade" di Alviero Negro
proverbi
"la trope confidence e fâs mancjance di rispiet"
"ni in taule ni in jet no si puarte rispiet"
"rispiet pai viei, pazience cui mats e sopuartâ lis malis lenghis"
Torna in Cima