SuperDizionari

rive s.f.
(ri-ve)

Part di un rilêf di tiere, tant che un cuel o une mont, che e je in pendence

sinonims

cueste, cleve

esemplis

"al cjalà ancjemò jù pe rive, fin dulà che la strade si pierdeve tai prâts come un fossâl"

gjavât fûr di "Sul agâr" di Pieri Menis

"li vîts petenadi e chê svintali colour di rosa che a verzelavin la riva duta verda fin in cima il cuel, a parevin proprit bon"

gjavât fûr di "La Santa" di Novella Cantarutti

Viôt ancje: ribe

rive s.f.
(ri-ve)

Percors o part di strade o sim. in pendence

sinonims

montade, rampe

esemplis

""Cheste rive, e po o sin" dissal Zuanat. E Toful al faseve di sì cul cjâf stomblant i cjavai sù pe rive"

gjavât fûr di "La aghe da pît la cleve" di Dino Virgili

"dilunc la rive che e menave a Vendâs, la moto e ronfave di ligrie"

gjavât fûr di "Par stradis lungjis" di Alan Brusini

rive s.f.
(ri-ve)

Fasse di tiere che e je dilunc des aghis dal mâr, di un lât o di un flum

sinonims

cueste, lît, ôr, rivâl, spuinde

esemplis

"une fasse di bârs di nûl e orlave la rive erte de Istrie"

gjavât fûr di "Int no consumade" di Agnul di Spere

"su la rive dal flum i pôi che a movevin lis fueis"

gjavât fûr di "La maree nere" di Checo Tam

"senza spietâ rispuesta, ripassava il puint, disleiava una barcja da la riva del flun, montava dentri, e clamava ancjamò una volta: «Barba, vignîso?»"

gjavât fûr di "Il me paîs" di Federigo Comelli

Viôt ancje: ribe

monolengâl