Tu âs cirût la peraule
monolengâl
torne indaûr

monolengâl

rivoc s.m.
(ri-voc)
Ripetizion di un sun che al torne ribatût di un ostacul
sinonims
eco
esemplis
"il tapum di une fusilade austriache al sclopà sù a Pâl Piçul e il rivoc si è pierdût vie vie pes monts"
gjavât fûr di "Funerâl a Pâl Piçul" di Pieri Menis
Viôt ancje: revoc
rivoc s.m.
(ri-voc)
Il ribati o il rifletisi ancje di alc che nol è un sun
esemplis
"in chê gleseute di là dal mâr: un rivoc di lûs marine e tarlupe tal sufit"
gjavât fûr di "La aghe da pît la cleve" di Dino Virgili
rivoc s.m.
(ri-voc)
Di idee, notizie e sim., il fat di slargjâsi e di fâ fevelâ (fig.)
sinonims
scjas, bote
esemplis
"[il dibatit] al à vût rivoc ancje te nestre regjon sedi tes pagjinis dai gjornâi che tai grups di lavôr plui selezionâts e professionâi"
gjavât fûr di "Scuele e educazion plurilinguistiche" di Marilena Beltramini
rivoc s.m.
(ri-voc)
Consecuence, efiet diret o indiret (fig.)
sinonims
consecuence, efiet, reazion, ripercussion, influence
esemplis
"salacor chest desideri simpri vîf al è un rivoc positîf dal cronic identificâsi tal stereotip dal popul batût"
gjavât fûr di ""Tata, ma chês a son stelis"" di Sandri Carrozzo
rivoc s.m.
(ri-voc)
Il tornâ di alc tal pinsîr, te memorie e sim. e la idee o pinsîr o ricuart che a tornin tal cjâf (fig.)
esemplis
"al sintive, dentri, un cjalt che i zirave pes venis e i scrudulive il frêt dal cûr e i dave un salustri libar di ogni rivoc fastidiôs"
gjavât fûr di "La tiere di Lansing" di Maria Forte
rivoc s.m.
(ri-voc)
Il tornâ a comparî di un cualsisei fenomen (fig.)
esemplis
"il franchisim nol è muart, cemût che dal rest i rivocs fassiscj e naziscj a dimostrin un pôc dapardut"
gjavât fûr di "E cumò, anìn di gnûf a vinci" di Dree Valcic
rivoc s.m.
(ri-voc)
Il tornâ sù in bocje di alc che al jere stât glotût e ce che al torne sù
esemplis
"dute une sgrisularie i cjapà il stomi intant che un rivoc gras, mâr e nauseôs i montave sù pe gole"
gjavât fûr di "Tal ospedâl" di Amedeo Giacomini
torne sù