SuperDizionari

rivuardâ v.tr., v.intr.
(ri-vuar-dâ)

Vê un leam, une relazion, vê di argoment, di obietîf, e v.i.

sinonims

tocjâ, intignî, riferîsi

esemplis

"la unitât nazionâl no je une cuistion che e rivuardi nome la Italie, che e stei tal cjâf nome al guvier talian e ai patriots talians"

gjavât fûr di "Cjalâ plui inlà" di Josef Marchet

"[la letare cuntune poesie di menace] e je spedide al deputât Filip Narduç, ma mi sa che ur rivuarde a ducj chei de deputazion comunâl..."

gjavât fûr di "Int di masnade" di Alviero Negro

Viôt ancje: riguardâ, raguardâ, ravuardâ, revuardâ

rivuardâ v.tr.
(ri-vuar-dâ)

[BF] Tignî parât, protet

sinonims

vuardâ, travuardâ, parâ, protezi

esemplis

"al è un dovê rivuardâ e inareâ i grancj ideâi de nestre gjernazie"

gjavât fûr di "La cjase di Toni" di Tarcisio Venuti

rivuardâ v.tr.
(ri-vuar-dâ)

[BF] Tignî in stime, in considerazion

sinonims

considerâ, stimâ, calcolâ, rispietâ

esemplis

"lu rivuardi come gno pari"

gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali

monolengâl