SuperDizionari

roman adi.
(ro-man)

De citât e de popolazion di Rome moderne e contemporanie

roman adi.
(ro-man)

Di Rome, inte antichitât classiche, dal so domini politic e militâr, de sô culture e v.i.

esemplis

"bastave nome regolâ une cuistion in Orient e alore lui al varès dominât dut il mont roman, lui, fi e erêt dal grant Maximianus"

gjavât fûr di "Sol invictus" di Checo Tam

"si viôt ancjemò un grant clap blanc, che al à la forme di une tombe romane"

gjavât fûr di "Lis leiendis di Buie" di Pieri Menis

roman adi.
(ro-man)

Relatîf a la citât di Rome come sede dal papât e centri dal catolicisim

esemplis

"o savês che tal Martirologji de glesie romane, sants a 'nd è di ogni non"

gjavât fûr di "La vite no je cuintriposizion di valôrs ma armonie di realtâts complementârs" di Francesc Placerean

roman adi.
(ro-man)

Spec. di numar, rapresentât cui simbui de scriture doprade par tradizion pal latin, ancje cun mudaments e integrazions dilunc dai secui

esemplis

"lis casselis de pueste a vevin la steme de regjine cu la scrite ER II, là che il doi roman al sta par “Elisabete seconde""

gjavât fûr di "Il risultât eletorâl dai partîts di identitât teritoriâl - A case study: Scottish National Party" di Sergio Cecotti

roman s.m.
(ro-man)

[TS] (tecn.) Pesut mobil che al scor dilunc dal braç de stadere par belançâ il pês dal ogjet di pesâ

sinonims

marc, plombin

monolengâl