SuperDizionari

roture s.f.
(ro-tu-re)

Il rompi, il rompisi e il lôr risultât (ancje fig.)

sinonims

scjavaçade, rote, crevade, crevadure, rompidure, rompiment

esemplis

"si à vude une roture de vascje di sbroc [dal reatôr nucleâr]"

gjavât fûr di "Il disastri de centrâl nucleâr di Fukushima Dai-ichi" di Alessandro Pascolini

roture s.f.
(ro-tu-re)

Interuzion di un leam, di un rapuart, di une dinamiche e v.i. (fig.)

sinonims

tai, çoncjadure

esemplis

"i prins dîs agns di Onde Furlane si sierin cussì, cuntun conflit e une roture"

gjavât fûr di "Un Friûl difarent: i 90 mhz di Onde Furlane" di Max Mauro

roture s.f.
(ro-tu-re)

Il stufâsi, il pierdi la pazience e ce o cui che al stufe o che al fâs pierdi la pazience (fig.)

sinonims

rompiment, secjadure, stufe

esemplis

"a mi fâs ancje plasê jodiju ogni tant, a mi emplin il cour di alegrie, ma par cinc minûts, no di pui, dopo... a son une roture"

gjavât fûr di "Grarage 77" di Fabiano Fantini, Claudio Moretti, Elvio Scruzzi

roture s.f.
(ro-tu-re)

[TS] (med.) Lesion di un tiessût contenitîf che e prodûs la jessude di un orghin o di une part di orghin, in particolâr dai budiei

esemplis

"la gjandusse, la fistule, e il bugnon, / la piere, la roture, e lu balon"

gjavât fûr di "I, 35" di Ermes di Colorêt

monolengâl