SuperDizionari

rumôr s.m.
(ru-môr)

Cualsisei sun, soredut se nol è armonic

sinonims

sunsûr

esemplis

"la vôs [de radio] e jere propite basse e si sintive lis peraulis dome ogni tant, juste cuant che no rivavin rumôrs de strade"

gjavât fûr di "In Friûl, nossere" di Agnul di Spere

"la machine e faseve un rumôr di ferace che ducj si voltavin"

gjavât fûr di "Pre Pitin" di Antoni Beline

"il taramot lu vin vivût cussì, intant che o cenavin o vin sintût un rumôr o pensavin che al fos rivât Bruno cu la machine, subit dopo al à començât a tremâ e nol finive plui"

gjavât fûr di "Jo e Graziella" di Mario Beltramini

Viôt ancje: remôr

rumôr s.m.
(ru-môr)

[TS] (astron.) Emission di ondis a radiofrecuence mandadis di un cuarp celest

rumôr s.m.
(ru-môr)

[TS] (eletr.) Flutuazion de corint o de tension intun circuit o intun sisteme

esemplis

"altris proprietâts interessantis [des celis organichis nanostruturadis] a son il bas rumôr di fonts e la dipendence di proporzionalitât strete fra la intensitât di lûs e la intensitât di corint eletriche"

gjavât fûr di "Lis celis organichis nanostruturadis" di Lorenzo Marcolini

rumôr s.m.
(ru-môr)

[TS] (mus.) Sunôr no armonic doprât par finalitâts espressivis particolârs

esemplis

"la musiche plui comune inte nestre etât e je la musiche che e fâs tant rumôr e pocje melodie"

gjavât fûr di "Sul florî" di AAVV

rumôr s.m.
(ru-môr)

[TS] (med.) Fenomen acustic interni al organisim

rumôr s.m.
(ru-môr)

[TS] (telecom.) Cualsisei disturp che al mudi lis carateristichis dal segnâl e che al impedìs la sô buine ricezion

rumôr s.m.
(ru-môr)

[TS] (ling.) Inte teorie de comunicazion cualsisei element che al cause un efiet di disturp sul messaç

esemplis

"intune ditature la dismentie si cree par mieç de censure o de false informazion, in democrazie cidinôr e rumôr a son chel istès: lis informazions si scancelin par moltiplicazion, par difusion cence padin, nol impuarte se a son veris o falsis"

gjavât fûr di "Il brevet" di Mario Turello

rumôr s.m.
(ru-môr)

[TS] (inform.) Erôr che al modifiche un o plui bits di un dât, produsût di flutuazions eletrichis tal ordenadôr o intune linie di trasmission

esemplis

"il canâl di trasmission al degrade i segnâi trasmetûts par efiet dai disturps, des distorsions, des interferencis. O clamìn rumôr, par semplificazion estreme, l'insiemi di chescj fenomens"

gjavât fûr di "La societât de informazion: cirint lis origjins" di Valentino Castellani

monolengâl