Tu âs cirût la peraule
monolengâl
torne indaûr

monolengâl

ruvine s.f.
(ru-vi-ne)
Il sdrumâ, il sdrumâsi jù
esemplis
"di dute chê int, tresinte e plui personis, no scjamparin de ruvine [di Mont Spiç] che la vedue cul so fi e doi altris fruts saltâts fûr a buinore a stielis sul pradissit"
gjavât fûr di "La fuiace de Madone" di Catarine Percude
Viôt ancje: rivuine, ruìne, rovine
ruvine s.f.
(ru-vi-ne)
Spec. tal pl., complès di struturis e monuments antîcs, che a àn patît pal passâ dai secui
sinonims
rest
esemplis
"a restin ancjemò in vuê in citât lis ruvinis di un anfiteatri"
gjavât fûr di "Bordèu/Bordeaux" di Agnul di Spere
ruvine s.f.
(ru-vi-ne)
Grant dam, faliment, disgracie, individuâl o coletîf
sinonims
disgracie, dissest, faliment, disfasiment
esemplis
"l'alcul, il fumâ e la droghe a àn in comun une robe sole: la ruvine di dut"
gjavât fûr di "Sul florî" di AAVV
"rivâ a fâje. A fâ ce? A meti fin al predomini de partitocrazie taliane, a fermâ la ruvine dal Friûl"
gjavât fûr di "Dopo la fieste, indenant cun cûr e fantasie" di Dree Valcic
"un mont sociâl in ruvine"
gjavât fûr di "Tal ospedâl" di Amedeo Giacomini
ruvine s.f.
(ru-vi-ne)
Cui o ce che al è cause di un dam morâl o materiâl (fig.)
sinonims
disgracie, condane, torment, cjastì
esemplis
"«Tu che tu sês stade la ruvine de mê vite rampide di frut. Tu mi vevis vonde ben inzingarât!»"
gjavât fûr di "Come tai romançs" di Alan Brusini
detulis
"aghe cidine e puarte ruvine"
"il lat al è la ruvine dal sac"
torne sù