Tu âs cirût la peraule
monolengâl
torne indaûr

monolengâl

salût s.m.
(sa-lût)
Peraule o mot, spec. strenzi la man, abraçâ, bussâ e sim., cuant che si intive o si lasse cdn., par pandi amicizie, afiet, rispiet o simpatie
esemplis
"Buinis fiestis! bon principi! bon an! ogni ben! Dut un incrosâsi di salûts e di auguris"
gjavât fûr di "Bastarès fâ Nadâl dut l'an" di Riedo Pup
"il salût de Leni al fo plui tai voi lustris, che te strente de man"
gjavât fûr di "La tiere di Lansing" di Maria Forte
"al le vie racomandant di puartâ i siei salûts a Luziute"
gjavât fûr di "Il muc" di Roberto Ongaro
"e vô stele tramontane, / se savessis fevelâ, / un salût a di chê frute / jo par vô vorès mandâ"
gjavât fûr di "Montagnutis ribassaitsi" di Popolâr
salût s.m.
(sa-lût)
Visite une vore svelte (fig.)
esemplis
"dispès o dismontavi a Udin, par un salût a cjase di Sandri"
gjavât fûr di "Trê feminis" di Gianni Gregoricchio
salût s.m.
(sa-lût)
[TS] (milit.) Mot di dovê e di onôr che i subordenâts a scuegnin dimostrâ e fâ tai confronts dai superiôrs di grât o des autoritâts
esemplis
" ducj di bot si alcin in pîts e, dopo il salût al Duce cuntun alalà che al rimbombave fra lis parêts de sale, si è viert il spinel dai discors e des cjacaris"
gjavât fûr di "La veretât e va ben simpri dite" di Pieri Somede dai Marcs
salût s.m.
(sa-lût)
[TS] (sport) Mot che i aversaris di tancj sports a àn di fâsi prin di scomençâ e ae fin dal incuintri tant che promesse di lealtât sportive
salût s.m.
(sa-lût)
Messaç o discors curt che une autoritât e fâs in cerimoniis uficiâls, riunions e v.i.
esemplis
"[il congrès] si vierzarà cuntun benvignût di bande dal “Coretto Alpini e Amici” e cu lis musichis di Paolo Forte e subit dopo cui salûts des autoritâts"
gjavât fûr di "Cunvigne numar 90 pe Societât Filologjiche Furlane" di Redazion La Patrie dal Friûl
detulis
"bisugne fâ il salût seont il cjapiel"
"saludâ e je cortesie, rispuindi al salût al è un dovê"
torne sù