SuperDizionari

sassin s.m., adi.
(sa-ssin)

Che, cui che al cope cdn. altri in plene cussience e volontât

sinonims

omicide

esemplis

"la int, vint savût che la justizie e dubitave che [Dree] al fos stât sassinât, e jere scaturide a pensâ che chi, tal paisut di Cretevierte, al podès vivi, clupît fra di lôr, un sassin"

gjavât fûr di "Cretevierte" di Roberto Ongaro

"dopo trê dîs di matetât al jere tornât come prime; ma chei trê dîs a jerin bastâts a fâlu deventâ un sassin e a ruvinâ la sô vite"

gjavât fûr di "Prime di sere" di Carlo Sgorlon

sassin s.m.
(sa-ssin)

In passât, criminâl che al assaltave soredut i viazadôrs par robâ ancje copant

sinonims

brigant, bandît

esemplis

"une dì chel om al tornave dal marcjât cul tacuin plen di bêçs, cuant che su la strade al incontre doi sassins che volevin robâi i bêçs"

gjavât fûr di "Resurezion a Pontinie" di Pieri Somede dai Marcs

"a jerin i sassins là jù dal Puintat e se ur lave in bocje dai bêçs..."

gjavât fûr di "Pôre tal nuie..." di Dino Virgili

sassin adi., s.m.
(sa-ssin)

Che, cui che al ven calcolât in cualchi maniere in sens une vore negatîf, ancje tant che ofese gjeneriche (ancje scherç.)

sinonims

mostro

esemplis

"al è un sassin di miedi"

sassin adi.
(sa-ssin)

Che al fâs une vore di dam (fig.)

esemplis

"par une sielte politiche starloche e sassine, tacant dai prins agns otante al ven sdrumât il paisaç di une part dal Friûl di mieç"

gjavât fûr di "Un Friûl difarent: i 90 mhz di Onde Furlane" di Max Mauro

monolengâl