SuperDizionari

sbregâ v.tr.
(sbre-gâ)

Rompi cun fuarce un tiessût, une cjarte o sim.

sinonims

sgnangassâ

esemplis

"cjartis, cjartis che a Carlin no i disevin nuie; robe di butâ tal ledan o di brusâ. E lui al començà a sbregâ, a fâ flics e a ingrumâ sul caminet "

gjavât fûr di "Chei di Muraie" di Pieri Menis

sbregâ v.tr.
(sbre-gâ)

Rompi, sbusâ, puartâ vie e v.i. une cualsisei robe, no dome di tiessût, cjarte o sim. (fig.)

esemplis

"e je di fâ la roste tal cjamp dal flum che la brentane no sbreghi i remis"

gjavât fûr di "La aghe da pît la cleve" di Dino Virgili

sbregâ v.tr.
(sbre-gâ)

Dâ la impression di rompi o interompi, spec. cuntun moviment o cuntun sucedi imburît, traviersant

sinonims

taiâ, crevâ, rompi, scjavaçâ

esemplis

"un colp sec [di sclope], e il sivilâ di une bale al sbregà l'aiar come un urlon"

gjavât fûr di "Sul agâr" di Pieri Menis

"une saete, sbregant il cîl, e vierç i nûi intune viamente sglavinade"

gjavât fûr di "Madalene" di Franco Marchetta

sbregâ v.tr.
(sbre-gâ)

Dâ grandis soferencis (fig.)

sinonims

sbridinâ, tormentâ, tumiâ

esemplis

"par cui che l'à fede, al dolôr che al taia, che al sbrega e al sgnangassa, al è plasê, plasê che nol si disfanta"

gjavât fûr di "Al mandolâr" di Ugo Pellis

sbregâ v.intr.
(sbre-gâ)

Produsi potence, fâ fuarce, lâ sù di zîrs

esemplis

"a incolmenarin il casselot [dal camion] dit e fat: sù pal troi, par tornà su la strade, il motôr al sbregave sot sfuarç"

gjavât fûr di "La strade come un destin" di Dino Virgili

monolengâl