SuperDizionari

sbrendul s.m.
(sbren-dul)

Toc di alc, par esempli di tiessût, di cjarte, di cjar e v.i., sbregât vie e in brutis cundizions

sinonims

blec, bocon, sbridin, sbridion, toc, lambri, slambri

esemplis

"gratant cu lis ongulis dai pîts il stramaç, al veve parât a sbrendui il bleon"

gjavât fûr di "Tal ospedâl" di Amedeo Giacomini

sbrendul s.m.
(sbren-dul)

Spec. tal pl., vistiari o robe di tiessût vieri e fruiât o di cualitât scarte (fig.)

sinonims

peçot

esemplis

"al cîr la caritât il puaret, cuviert di sbrendui, daûr la voltade de strade o su la puarte de glesie"

gjavât fûr di "Lis predicjis dal muini" di Josef Marchet

"done Cheche i veve bruntulât disint che e veve consumât masse savon a lavâi chei cuatri sbrendui"

gjavât fûr di "Il tesaur di done Cheche" di Pieri Menis

sbrendul s.m.
(sbren-dul)

Soredut in espressions negativis, robe, o ancje persone, che no vâl nuie, che e je minime o che e mancje dal dut

sinonims

fregul, fruçon, blec

esemplis

"nol à mai vût timp di finî la universitât e di cjapâsi un sbrendul di lauree"

gjavât fûr di "La fabriche dai predis" di Antoni Beline

"cunvignis, petizions, manifestazions e azions di ogni sorte no bastarin tai agns 80 a produsi l'efiet de aprovazion di un sbrendul di leç gjenerâl di tutele"

gjavât fûr di "Memoriis di politiche linguistiche" di Adrian Cescje

"vuarès jessi un fîl plui biele / par vê un sbrendul di morôs"

gjavât fûr di "Spiulant ta strece" di Tite di Sandri

monolengâl