Tu âs cirût la peraule
monolengâl
torne indaûr

monolengâl

sbrissâ vie loc.v.
Di cdn., lâ vie, slontanâsi, soredut svelt o di scuindon o cence imparêsi tant
sinonims
sbrissâ, sbrissâ fûr, smuçâ, svuincâle, svuincâse, mocâse, scjampâ
esemplis
"cjalantmi a pene e je deventade rosse come une bore di fûc, mi à saludât a la largje, e cence dîmi nuie e e je sbrissade vie "
gjavât fûr di "Anzule" di Pieri Somede dai Marcs
"Cumò i soldâts a tornavin. I uficiâi no volevin che la int si fermàs denant de cjase di Solidarnosc. Jean Arnoux al saveve che al jere miôr se no lu cjapavin, e al sbrissà vie framieç de int"
gjavât fûr di "Messe di misdì a Varsavie" di Agnul di Spere
sbrissâ vie loc.v.
Di alc, movisi, slontanâsi svelt o lizêr
sinonims
lâ vie, cori
esemplis
"si viodevin grancj nûi neris che a sbrissavin vie a platâ lis stelis, e de bande di Buie si sintive un businôr lontan di tons"
gjavât fûr di "Prime di sere" di Carlo Sgorlon
sbrissâ vie loc.v.
Di alc, ancje imateriâl, scjampâ, no jessi stratignût o controlât o capît
sinonims
scjampâ
esemplis
"il vueit e il cidinôr si ingrumave li dentri, simpri plui, e il vieli sal sintive sul cûr: al veve une grispe di plui su la muse e al jere deventât plui suturno. Al sintive ancje lui che alc i sbrissave vie"
gjavât fûr di "La aghe da pît la cleve" di Dino Virgili
sbrissâ vie loc.v.
Dal timp, passâ, soredut cence efiets, cence risultâts, cence mudaments
sinonims
passâ, scjampâ, lâ vie
esemplis
"lis oris i passavin dutis compagnis cence che, scuasit, si inacuarzès di chel sbrissâ vie des zornadis"
gjavât fûr di "Cjase di Dalban" di Maria Forte
torne sù