Hai cercato la parola
monolingue
Torna indietro

monolingue

sbrissâ vie loc.v.
Di cdn., lâ vie, slontanâsi, soredut svelt o di scuindon o cence imparêsi tant
sinonimi
sbrissâ, sbrissâ fûr, smuçâ, svuincâle, svuincâse, mocâse, scjampâ
esempi
"cjalantmi a pene e je deventade rosse come une bore di fûc, mi à saludât a la largje, e cence dîmi nuie e e je sbrissade vie "
da "Anzule" di Pieri Somede dai Marcs
"Cumò i soldâts a tornavin. I uficiâi no volevin che la int si fermàs denant de cjase di Solidarnosc. Jean Arnoux al saveve che al jere miôr se no lu cjapavin, e al sbrissà vie framieç de int"
da "Messe di misdì a Varsavie" di Agnul di Spere
sbrissâ vie loc.v.
Di alc, movisi, slontanâsi svelt o lizêr
sinonimi
lâ vie, cori
esempi
"si viodevin grancj nûi neris che a sbrissavin vie a platâ lis stelis, e de bande di Buie si sintive un businôr lontan di tons"
da "Prime di sere" di Carlo Sgorlon
sbrissâ vie loc.v.
Di alc, ancje imateriâl, scjampâ, no jessi stratignût o controlât o capît
sinonimi
scjampâ
esempi
"il vueit e il cidinôr si ingrumave li dentri, simpri plui, e il vieli sal sintive sul cûr: al veve une grispe di plui su la muse e al jere deventât plui suturno. Al sintive ancje lui che alc i sbrissave vie"
da "La aghe da pît la cleve" di Dino Virgili
sbrissâ vie loc.v.
Dal timp, passâ, soredut cence efiets, cence risultâts, cence mudaments
sinonimi
passâ, scjampâ, lâ vie
esempi
"lis oris i passavin dutis compagnis cence che, scuasit, si inacuarzès di chel sbrissâ vie des zornadis"
da "Cjase di Dalban" di Maria Forte
Torna in Cima