SuperDizionari

scambi s.m.
(scam-bi)

Il dâ alc, il meti alc, il fâ alc, il dî alc e v.i. tal puest o in compens di alc altri

sinonims

cambi

esemplis

"intes realtâts che a deventavin citâts, un ambient che al jere rurâl si trasformave intun spazi di produzion e soredut di scambi di marcjanziis"

gjavât fûr di "Peraulis di chenti" di Pier Carlo Begotti, Federico Vicario

"a Noiarêt de Tor [...] al jere stazion pal scambi dai cjavai tra i teritoris de Serenissime e chei imperiâi"

gjavât fûr di "Vile Gorgo, farie di talents artistics" di Erika Adami

Viôt ancje: sgambi

scambi s.m.
(scam-bi)

Il cjapâ alc par alc altri par confusion o par identificazion falade

sinonims

confusion

esemplis

"il teme che al svilupe il film al è chel dal scambi de identitât puartât indenant achì cuntune maestrie rare"

gjavât fûr di "Festival di Pesaro 50+1" di Fabian Ros

scambi s.m.
(scam-bi)

[TS] (sport) Tal balon, passaç ripetût dal balon tra doi zuiadôrs

esemplis

"dome tai ultins vincj minûts i blancs e neris a deventin plui pericolôs, cun biei scambis tra Udogie e Deulofeu"

gjavât fûr di "Udinese – Genoa 0-0" di Marc Stolf

scambi s.m.
(scam-bi)

[TS] (fer.) Dispositîf che suntune fereade al zonte dôs o plui liniis, permetint al tren di cjapâ une o une altre

esemplis

"al monte ancje lui inte garete dal ultin vagon, al picje i doi fanâi ros e si dispon a partî e a fâ il so fat che al è di frenâ pes rivis jù e di segnalâ tai sgambis che e je passade la travierse-limit par protezi la code dal convoi"

gjavât fûr di "Storie di Min" di Ivano Urli

monolengâl