SuperDizionari

monolengâl

scancelâ v.tr.
(scan-ce-lâ)

Fâ in maniere che alc che al jere scrit, dissegnât o piturât no si viodi plui, in jenar rassant cun plui o mancul delicatece la superficie dulà che al jere, o fâ che si capissì che nol è di tignî bon, taiantlu cuntune rie, cuntune crôs e v.i.

sinonims

gjavâ vie, netâ vie, parâ vie, taiâ, taiâ vie, tressâ

esemplis

"il cont al veve lassât test che ducj i debits di ducj i colonos a fossin scancelâts. E cussì il fatôr al scugnì cjapâ sù un penelapis blu e tirâ une crôs sun dutis lis pagjinis"

gjavât fûr di "I furlans e i frutins" di Riedo Pup

Viôt ancje: cancelâ

scancelâ v.tr.
(scan-ce-lâ)

Fâ in maniere che alc, o ancje cdn., nol esisti plui, no si viodi plui, nol vedi plui efiet e v.i. (fig.)

sinonims

gjavâ vie, netâ vie, parâ vie, taiâ, taiâ vie

esemplis

"i resisteve dentri la voie di scancelâ lis umiliazions patidis cul fâ viodi ce che e saveve e dulà che e podeve rivâ"

gjavât fûr di "Cjase di Dalban" di Maria Forte

"il pape Benedet XIV cu la bole «Injuncta nobis» al scancelave de storie, de gjeografie, de vite de glesie e, se al ves podût, ancje de memorie il Patriarcjât di Aquilee"

gjavât fûr di "La cjase dai contents" di Roman Michelot

"il gjornâl lu leieve trê voltis, che no i someave vêr, po lu butave tal fûc come par scancelâ la veretât"

gjavât fûr di "Come tai romançs" di Alan Brusini

torne sù