SuperDizionari

scandul s.m.
(scan-dul)

Reazion, soredut coletive, di conturbie e di disdegn par vie di un compuartament, di un discors, di une azion cuintri de morâl, dal sens de justizie e v.i.

esempi

"dut ce che podès dâ un scandul, rindi una animositât fra la int di una fede diferent, si devi schivâ"

da "Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera" di Antoni Brumat

"pal amôr di no promovi scandui, nome par chest, el matrimoni si farà…"

da "In cîl e je une stele!..." di Arturo Feruglio

Vedi anche: scjandul

scandul s.m.
(scan-dul)

Azion o declarazion che e ofint la morâl, il sens de justizie e v.i.

esempi

""Un scandul, un scandul grant, e jo sarès stât tal mio podê di rindilu public, di svergognâ ducj cuancj, ma che il sens di pudôr par no piardi la serietât dal mio non e de mê famee, mi à tratignût""

da "Co l'amôr al cimie" di Costantino Smaniotto

"il plevan di Sante Margarite, di chei timps, savût che un so parochian, al faseve in public, cence vergogne, il pecjadat di lei il gjornâl, al à clamât a adoremus parfin la mari e i à dit clâr e net che se nol finive chel scandul alì, lui al varès gjavât la assoluzion a dute la famee"

da "I furlans e i gjornâi" di Riedo Pup

scandul s.m.
(scan-dul)

Ce o cui che si calcole esagjerât, ancje intun aspiet specific (iperb.)

esempi

"lui nol veve dit peraule. Ma ce! … nancje mieze peraule. Propit un scandul di debeltât chel Toni!"

da "Mabile la Lunghine" di Maria Forte

scandul s.m.
(scan-dul)

Sunsûr grant di int che e zighe, che e cuistione e v.i.

esempi

""Pal amôr di Dio che no stei a vosâ, no fasìn scandui, se vegnin i carubinîrs mi fasin sierâ buteghe""

da "La buteghe dal barbîr" di Pieri Somede dai Marcs

monolingue