SuperDizionari

monolengâl

schene s.f.
(sche-ne)

Part daûr dal bust dal om o des bestiis, contrarie al pet e al stomi

esemplis

"la Malie, di un pâr di dîs incà, no je a plomp: i zire il cjâf, e sint doloruts jù pe schene"

gjavât fûr di "Tant parom" di Meni Ucel

"preâ il Signôr di vê salût, di no inmalâsi mai e di lavorâ fin che la schene lu tignive sù"

gjavât fûr di "I furlans e la pension" di Riedo Pup

"un sgrisul lunc i saetà jù pe schene, fin tes gjambis, come un spac"

gjavât fûr di "La massarie" di Dino Virgili

"al mandà indenant lis bestiis sflocant la scorie parsore de lôr schene"

gjavât fûr di "Chei di Muraie" di Pieri Menis

schene s.f.
(sche-ne)

Cualsisei struture o forme che e pues someâ a chê part anatomiche, spec. in riferiment ae part disore o di daûr di alc (fig.)

esemplis

"cualchi borc indurmidît tal scûr, po, plui scure, la schene dal cuel dal Fum"

gjavât fûr di "L'avôt" di Maria Forte

"e miôr si viodin lis schenis dai côi di tiare menâts tai agns dal Tiliment, i ramaçs ingropâts, strucâts ator di un alc"

gjavât fûr di "Donald dal Tiliment" di Stiefin Morat

schene s.f.
(sche-ne)

[CO] (enol.) Struture e gradazion alcoliche dal vin

esemplis

"devant di un cuartin penç di pulie o di un tài saurît di aleatic di buine schene"

gjavât fûr di "Il Bacaro al va vie" di Osiride Secco dai Juris

schene s.f.
(sche-ne)

[TS] (sport) Stîl di nadâ a muse insù

detulis

"a contâ balis, no dûl la schene"

"a fâ sù pe schene di chei altris, nol dûl"

"a freâi la schene al gjat, al drece la code"

"a imprometi no dûl la schene"

"a prometi no dûl la schene, ma ben a puartâ il fas"

"cui che nol à mâl sù pe schene nol devente ros"

"freii la schene al gjat che al dreçarà la code"

"la bramazion e ven, e va; po e torne su la schene di cui che le da"

"o di schene o di pet, o vin ducj il nestri difiet"

"par fâ il predi al covente: orele di marcjadant, bocje di purcit e schene di mus"

torne sù