Hai cercato la parola
monolingue
Torna indietro

monolingue

schene s.f.
(sche-ne)
Part daûr dal bust dal om o des bestiis, contrarie al pet e al stomi
esempi
"la Malie, di un pâr di dîs incà, no je a plomp: i zire il cjâf, e sint doloruts jù pe schene"
da "Tant parom" di Meni Ucel
"preâ il Signôr di vê salût, di no inmalâsi mai e di lavorâ fin che la schene lu tignive sù"
da "I furlans e la pension" di Riedo Pup
"un sgrisul lunc i saetà jù pe schene, fin tes gjambis, come un spac"
da "La massarie" di Dino Virgili
"al mandà indenant lis bestiis sflocant la scorie parsore de lôr schene"
da "Chei di Muraie" di Pieri Menis
schene s.f.
(sche-ne)
Cualsisei struture o forme che e pues someâ a chê part anatomiche, spec. in riferiment ae part disore o di daûr di alc (fig.)
esempi
"cualchi borc indurmidît tal scûr, po, plui scure, la schene dal cuel dal Fum"
da "L'avôt" di Maria Forte
"e miôr si viodin lis schenis dai côi di tiare menâts tai agns dal Tiliment, i ramaçs ingropâts, strucâts ator di un alc"
da "Donald dal Tiliment" di Stiefin Morat
schene s.f.
(sche-ne)
[CO] (enol.) Struture e gradazion alcoliche dal vin
esempi
"devant di un cuartin penç di pulie o di un tài saurît di aleatic di buine schene"
da "Il Bacaro al va vie" di Osiride Secco dai Juris
schene s.f.
(sche-ne)
[TS] (sport) Stîl di nadâ a muse insù
proverbi
"a contâ balis, no dûl la schene"
"a fâ sù pe schene di chei altris, nol dûl"
"a freâi la schene al gjat, al drece la code"
"a imprometi no dûl la schene"
"a prometi no dûl la schene, ma ben a puartâ il fas"
"cui che nol à mâl sù pe schene nol devente ros"
"freii la schene al gjat che al dreçarà la code"
"la bramazion e ven, e va; po e torne su la schene di cui che le da"
"o di schene o di pet, o vin ducj il nestri difiet"
"par fâ il predi al covente: orele di marcjadant, bocje di purcit e schene di mus"
Torna in Cima