Tu âs cirût la peraule
monolengâl
torne indaûr

monolengâl

scjaldâsi v.pron.tr., v.pron.intr.
(scjal-dâ-si)
Scjaldâ une part dal cuarp, scjaldâ alc par se stes o dâsi calôr cun reciprocitât
esemplis
"al si tirà dongje une vecje stue di modons e si scjaldà lis mans un moment"
gjavât fûr di "Prime di sere" di Carlo Sgorlon
"a fasevin il fûc par tiere e si sentavin ator ator par scjaldâsi"
gjavât fûr di "Faliscjis" di Cristina Noacco
scjaldâsi v.pron.intr.
(scjal-dâ-si)
Deventâ cjalt o plui cjalt
sinonims
riscjaldâsi
esemplis
"i fîi dulà che e passe la corint eletriche si scjaldin"
gjavât fûr di "La invenzion dal vueit inte lampadine di Turo Malignani. Storie, gnovis ipotesis e atualitât" di Lorenzo Marcolini
scjaldâsi v.pron.intr.
(scjal-dâ-si)
Fâsi cjapâ a fuart de rabie, dal gnervôs, de tension (fig.)
sinonims
piâsi, inrabiâsi, impiâsi, infogâsi, rabiâsi, imbilâsi, ingrintâsi, sustâsi, stiçâsi
esemplis
"al tâs un pôc, al si imbonìs, si sfuarce simpri di no scjaldâsi, ma al mostre dut il dolôr de sô anime"
gjavât fûr di "Resurezion a Pontinie" di Pieri Somede dai Marcs
"alore Renato si scjalde: «Eh no, mate da la ostie [...]»"
gjavât fûr di "Mieç purcit" di Meni Ucel
"Toni le tratave cul cit de mîl e al cirive di bonâle cuant che si scjaldave"
gjavât fûr di "Mabile la Lunghine" di Maria Forte
scjaldâsi v.pron.intr.
(scjal-dâ-si)
Di situazion e sim., deventâ plui animât o plen di tension (fig.)
sinonims
piâsi, impiâsi, inflamâsi, uçâsi, infogâsi, movimentâsi
esemplis
"il dibatiment al è daûr a scjaldâsi"
gjavât fûr di "Un at politic pe mont" di Claudio Sangoi
"tal ultin cuart di ore dal prin timp l’incuintri si scjalde"
gjavât fûr di "Verona – Udinese 1-0" di Marc Stolf
scjaldâsi v.pron.intr., v.pron.tr.
(scjal-dâ-si)
[TS] (sport) Fâ esercizis cuntun sfuarç limitât, par preparâ i muscui a une ativitât sportive o fisiche plui fuarte
esemplis
"Conte [...] al mande daurman Lukaku a scjaldâsi"
gjavât fûr di "Inter – Udinese 5-1" di Marc Stolf
detulis
"a messe là che al sune, a scjaldâsi là che al fume, a mangjâ là che al è pan e scjampâ là che si dan"
"cuant che e cjape fûc la cjase no bisugne scjaldâsi"
"cui che nol à frêt no si scjalde"
torne sù