SuperDizionari

scuasi av.
(scua-si)

Par indicâ che une azion, une situazion, une afermazion e v.i. no je finide, complete, assolude e v.i. ma i mancje pôc o e je aprossimade

sinonims

dibot, va e no va

esemplis

""Lu trati ben, cun ducj i riguarts, cun ducj i comuts; lu consideri scuasi di famee.""

gjavât fûr di "Comari 'Sese" di Bruno Paolo Pellarini

"un professôr / di grant valôr / lu à scrit cun cure / adasi, adasi, / sence premure / forsi impegnant / trente agns o scuasi"

gjavât fûr di "Al ven al ven" di Pieri Corvat

"une buse scuasi taronde"

gjavât fûr di "Lis leiendis di Buie" di Pieri Menis

Viôt ancje: cuasi, scuasit, scuasin, scuasint

scuasi av.
(scua-si)

Ancje ripetût, par pandi dubi o par morestâ une afermazion

sinonims

vadì, va e no va, dibot

esemplis

""[...] cumò che o i pensi scuasi scuasi i doi rason a lui""

gjavât fûr di "L'anel striât" di Bruno Paolo Pellarini

scuasi av.
(scua-si)

Subite prime di un verp, par indicâ che alc al podeve jessi, ancje se nol è stât

sinonims

a moments, mancje pôc che, negozi che, va e no va, dibot

esemplis

"e veve cjapât, tor il clostri, lassât masse infûr, la manie de gjachetine, che scuasi le rompeve cul tiron che i veve dât"

gjavât fûr di "Cjase di Dalban" di Maria Forte

scuasi coniun.
(scua-si)

Par introdusi une comparazion

sinonims

come, tant che, come che, come se

esemplis

"e tignive il cjâf bas, scuasi par platâ une pene"

gjavât fûr di "Nardon e Vigjute di Nani" di Pieri Somede dai Marcs

monolengâl