SuperDizionari

scune s.f.
(scu-ne)

Sorte di jetut par frutins nassûts di pôc, che pal solit si pues sdrindulâ

sinonims

nane

esemplis

"il vieli al vignive ca biel planc tal scûr e si fermave tant a cjalâlu tal scûr cui braçs da pît de scune (e jere la scune viere dulà che a vevin durmît etis e etis di Batistons [...]"

gjavât fûr di "La aghe da pît la cleve" di Dino Virgili

"il frut al continue a vaî e Lise lu cocole e nice la scune; po e si met a cjantâ la ninenane"

gjavât fûr di "Ninenane" di Bruno Paolo Pellarini

Viôt ancje: cune

scune s.f.
(scu-ne)

Lûc di divignince (fig.)

sinonims

patrie

esemplis

"[Sedean] al è stât une scune di personis, tantis ancjemò in vite, che a àn dât sflandôr a chest paîs"

gjavât fûr di "A proposit di Sedean" di Luigi Masutti

scune s.f.
(scu-ne)

Ambient, cundizion, situazion e v.i. li che a nassin une idee, une capacitât, une cualitât e v.i. (fig.)

esemplis

"la Saf [Societât Alpine Furlane] e je cetant leade ae storie dal Friûl. E je stade une organizazion che e à cjapât un puest impuartant ancje a nivel talian, jessint stade tal timp la scune di une interie gjernazie di gjeolics e gjeografs no dome furlans"

gjavât fûr di "Su la plui alte cime… cu la SAF dal 1874" di Oscar Puntel

monolengâl