SuperDizionari

sdrumâ v.tr.
(sdru-mâ)

Butâ jù, fâ colâ, spec. distruzint

sinonims

butâ jù, disdrumâ, fâ jù, parâ jù, distruzi, disfâ

esemplis

"al è rivât adore di cjoli un pâr di cjamputs di tiere e une barache che al à sdrumade par fâ sù une sô cjasute"

gjavât fûr di "Lis predicjis dal muini" di Josef Marchet

"un torint di aghe turbide, velmose, scjavalgjant ripârs, sdrumant murets e rostis e plombà viamente su la plane"

gjavât fûr di "La bissebove" di Pieri Somede dai Marcs

"la cjase tal mieç de citât no je plui. Sdrumade des bombis"

gjavât fûr di "Storie di Vera" di Ivano Urli

Viôt ancje: sdurumâ

sdrumâ v.tr.
(sdru-mâ)

Vinci cuntune vore di superioritât (fig.)

sinonims

disfâ, stravinci, distruzi

esemplis

"o pensavin di vinci e nus àn sdrumâts 4 a 0"

sdrumâ v.intr.
(sdru-mâ)

Colâ jù, spec. distruzintsi

sinonims

vignî jù, sdrumâ jù, slacâ, colâ, sdrumâsi, sdrupâ

esemplis

"[dopo dal taramot] e jere voie di ricostruî tai stes puescj li che al jere sdrumât"

gjavât fûr di "Memoriis di politiche linguistiche" di Adrian Cescje

"i tornave, cumò, ancje un burlâ strani tal cjâf… come di tiere che e sdrume"

gjavât fûr di "La tiere di Lansing" di Maria Forte

monolengâl