SuperDizionari

monolengâl

se pron.pers.

Forme toniche dal pronon personâl di tierce persone singolâr e plurâl, doprade tant che obiet di un verp riflessîf e tai complements indirets in riferiment al subiet stes

esemplis

"al veve cun se simpri so nevôt Zuantoni"

gjavât fûr di "Cjase Basse" di Dino Virgili

"la fie e pensave dome par se"

gjavât fûr di "Mabile la Lunghine" di Maria Forte

"a veva davour di se una vita lungja che a la veva usada a tignî dûr"

gjavât fûr di "La agna Mia di Ristec" di Novella Cantarutti

se s.m.

[TS] (psic.) Nucli de personalitât che al à caratar permanent e conservatîf, pasant ancje pai mudaments somatics e psichics de esistence individuâl

esemplis

"il concet di persone al è come une spirâl indulà che intal centri o cjatìn lis componentis plui profondis dal se, ven a stâi il se primari"

gjavât fûr di "La evoluzion dal cerviel e de cussience tai vertebrâts" di Franc Fari

detulis

"bisugne fâ la barbe prin par se e po, se al vanze timp, ancje a chei altris"

"cui che al fâs da se al fâs par trê"

"cui che al lavore par se al lavore par trê"

"cui che al promet pai altris al paie par se"

"cui che al rît dai altris al rît di se"

"cui che al robe pai altris al va in preson par se"

"cui che le fâs pai altris le fâs par se"

"i bêçs no si puartiju cun se"

"Sant Pieri al faseve la barbe prin par se"

torne sù