SuperDizionari

monolingue

seglâr s.m.
(se-glâr)

Sorte di plan o vascje dulà che une volte si metevin lis selis di aghe par lavâ la robe di cusine, vuê furniment de cusine formât di un o doi ingjâfs cuntune spine di aghe

esempi

"la «cjase», chê che cumò a clamin «cusine», uniche stanzie de vite cuotidiane, e jere furnide di spolert, taule, seglâr cui cjaldîrs pe aghe"

da "La cjase dai contents" di Roman Michelot

"o doi la ultime taçute di aghe a Lucio. Daspò le puarti tal seglâr, le resenti e le met tal disgoteplats"

da "Delit in vie del Lavoro" di Igor Londero

seglâr s.m.
(se-glâr)

Persone che e mangje o che e bêf une vore e di dut (fig.)

sinonimi

laip, mangjon, pacàs, 'sâf, plere, gorne

esempi

"sêstu di gnûf che tu mangjis? Ce seglâr che tu sês!"

proverbi

"i cjacarons a son tant che seglârs: no tegnin dentri nuie"

Torna in Cima