SuperDizionari

sensibilitât s.f.
(sen-si-bi-li-tât)

Facoltât di sintî cui orghins sensoriâi

esempi

"jo o ringrazii il Signôr, che dopo che o ai pierdude la lûs dai voi, mi à dade une grande sensibilitât, tant che mi pâr dut di viodi"

da "Mame..." di Pieri Somede dai Marcs

sensibilitât s.f.
(sen-si-bi-li-tât)

Disposizion o capacitât di sintî lis emozions cun intensitât (fig.)

esempi

""Viodêt mo, Pascute: jo, fin di frut, o ai simpri fat une vite ritirade, rimite; cjase e farie e a messe la domenie, ma no par chest che o sedi un salvadi, un om cence sensibilitât [...]""

da "Cretevierte" di Roberto Ongaro

""Une frutate, che e à di pandi in dut e pardut di jessi femine, ven a stâi une creature di sensibilitât e di finece!""

da "Vieri e gnûf" di Pieri Piçul

sensibilitât s.f.
(sen-si-bi-li-tât)

Atenzion pai sintiments e pes sensazions di chei altris

sinonimi

atenzion, rivuart, prudence, rispiet

esempi

"[l'ispetôr] al jere stât slontanât dal câs cun tante pocje creance e sensibilitât "

da "Cretevierte" di Roberto Ongaro

sensibilitât s.f.
(sen-si-bi-li-tât)

[TS] (biol.) Carateristiche di un organisim di sintî l'efiet di un agjent, soredut di un patogjen o di une sostance chimiche o sim.

esempi

"resistence a la peronospore e al oidi buine. Sensibilitât a la mufe grise (botrite) no tant alte"

da "Lis varietâts di vît resistentis a lis malatiis" di Enrico Peterlunger

sensibilitât s.f.
(sen-si-bi-li-tât)

[TS] (tecn.) Capacitât di un imprest di segnalâ des variazions o di reagjî a cierts segnâi

sensibilitât s.f.
(sen-si-bi-li-tât)

[TS] (fotogr.) Capacitât di une pelicule o di une lastre di sei impressionade de lûs

monolingue