Tu âs cirût la peraule
monolengâl
torne indaûr

monolengâl

sentence s.f.
(sen-ten-ce)
[AF] (dir.) At finâl dal judiç che al siere un procès
esemplis
"il tribunâl si ritire par studiâ la sentence"
gjavât fûr di "Vieri e gnûf" di Pieri Piçul
"co si è inocents, co si à la cussience a puest si sint la sentence assolutorie tal aiar"
gjavât fûr di "La none in cuço e Cutolo assolt" di Riedo Pup
Viôt ancje: sentenzie
sentence s.f.
(sen-ten-ce)
Decision cjapade suntune cuistion di une cualsisei autoritât, no dome judiziarie
sinonims
judizi, decision
esemplis
"une sentence dal judizi finâl di Diu"
gjavât fûr di "L'ultin patriarcje: Denêl Dolfin" di Francesc Placerean
sentence s.f.
(sen-ten-ce)
Opinion dade suntune cuistion, soredut cun sigurece, ancje esagjerade (ancje iron.)
esemplis
"Bepo dotôr al jere famôs pes sentencis che al deve e pes lagnancis su ogni robe. No i leve ben nuie"
gjavât fûr di "Amîs come prime" di Alan Brusini
"la sentence de place e jere che Selmo se veve volude chê brute fin"
gjavât fûr di "Il fi de Rosse" di Pieri Menis
sentence s.f.
(sen-ten-ce)
Frase dite cun solenitât, in maniere sute e incisive, che e ten dentri un concet di sapience, ancje popolâr
sinonims
aforisim, detule, massime, sproc
esemplis
"un mût di pensâ stravagant che i dave la innomine di om sapient, che si faseve cognossi a detulis e sentencis"
gjavât fûr di "Il Bide di Miot" di Maria Forte
detulis
"miôr un justament magri che no une grasse sentence"
"miôr une magre convenzion che no une grasse sentence"
torne sù