Hai cercato la parola
monolingue
Torna indietro

monolingue

servizi s.m.
(ser-vi-zi)
Lavôr fat par un paron, in cundizion subordenade, in câs ancje in cundizion di pierdite de libertât
esempi
"Citolini al dedicave une sô Grammatica de la lingua italiana manuscrite [...] al grant dignitari Hatton, di sigûr cu la sperance di jentrâ al so servizi"
da "Il brevet" di Mario Turello
servizi s.m.
(ser-vi-zi)
Impegn totâl a pro di une persone, di une istituzion, di une cause, di un ideâl, e v.i.
esempi
"Sant Ignazi di Loyola [...] si è metût anime e cuarp al servizi di Crist e de glesie, fondant la Compagnie di Jesù"
da "Sant Jacum, là che al finìs il mont" di Antoni Beline
servizi s.m.
(ser-vi-zi)
Lavôr fat li di une dite publiche o privade
esempi
"lis modalitâts di organizazion a son diferentis se il docent al è za in servizi te scuele [...] o se il docent al ven di fûr"
da "Il furlan al è rivât tes nestris scuelis. Si met in vore il Regolament pal insegnament de marilenghe in regjon" di Patrizia Pavatti
servizi s.m.
(ser-vi-zi)
Tun ambient, ativitât che si fâs pai clients
esempi
"ca fasino servizi ancje ai taulins o dome al banc?"
servizi s.m.
(ser-vi-zi)
At che al zove
sinonimi
favôr, plasê
esempi
"[Radio Onde Furlane] e fâs un grant servizi ae lenghe furlane, stant che e je la sole radio in lenghe furlane, e la sô cualitât gjornalistiche e linguistiche si juste cul passâ dal timp simpri di plui e simpri miôr"
da "Memoriis di politiche linguistiche" di Adrian Cescje
servizi s.m.
(ser-vi-zi)
Prestazion furnide di un ent public o privât par sodisfà une dibisugne de coletivitât
esempi
"intervignî cun plui determinazion e eficacie par garantî l'ûs des lenghis di minorance tai mieçs di comunicazion, cun riferiment particolâr al servizi radiotelevisîf public"
da "La lenghe furlane tai mieçs di comunicazion" di Erika Adami
"l'iluminament [public] al jere procurât de flame dal vueli, e chest si lei intal rindicont economic di spese buride fûr dal furnidôr dal servizi"
da "La invenzion dal vueit inte lampadine di Turo Malignani. Storie, gnovis ipotesis e atualitât" di Lorenzo Marcolini
"une des peraulis clâf dal turisim dal avignî e je la “cualitât” dai servizis a disposizion dai visitadôrs e de popolazion residente"
da "Il rûl economic dal turisim in Italie" di Attilio Celant
servizi s.m.
(ser-vi-zi)
Division inte organizazion di une dite o di une istituzion
esempi
"cu la leç regjonâl 15/1996 al ven metût in pîts, sot de “Direzion de Istruzion e de Culture”, il “Servizi pes lenghis regjonâls e minoritariis”"
da "Relazion dal Grup di lavôr “Planificazion linguistiche”" di Donato Toffoli
servizi s.m.
(ser-vi-zi)
Complès di ogjets doprâts par une cierte robe, in particolâr par parecjâ la taule
esempi
"arint, cristalarie, cuadris, stampis di valôr, servizis di porcelane, soremobii"
da "Ombris tal infinît" di Carlo Sgorlon
servizi s.m.
(ser-vi-zi)
Articul, program, filmât, documentari o sim. suntun argoment specific
esempi
"a son jessûts articui e servizis che a descrivevin particolârs che no son mai esistûts te realtât dai fats"
da "Interviste a Amato De Monte" di Christian Romanin
servizi s.m.
(ser-vi-zi)
Tal pl., puest li che si va a fâ i bisugns, massime tun edifici public o tun ambient
sinonimi
gabinet, necessari
esempi
""Al vûl viodi i servizis? E parcè?" "Cussì" dissal Begot "O soi curiôs". [...] Nol jere tant ce viodi. Dut ce che si podeve dî al è che i gabinets a jerin nets"
da "La rambe" di Fabian Ros
Torna in Cima