Tu âs cirût la peraule
monolengâl
torne indaûr

monolengâl

sest adi.num., pron.num.
Che intune serie o progression al corispuint al numar sîs
esemplis
"o ai fatis nûf garis e, di cuint che o soi rivât te prime, o soi lat simpri peiorant, vadì sest te seconde, setim te tierce [...]"
gjavât fûr di "I coridôrs di Tresesin" di Alan Brusini
"i prins elencs di vescui in cheste Glesie di Aquilee, a scomencin tor la fin dal sest secul, dal 500"
gjavât fûr di "La Glesie universâl, cence lis Glesiis particolârs, e je un Glesie cence muse" di Francesc Placerean
sest s.m., adi.num.
Ognidune des sîs parts compagnis che si pues dividi un intîr
esemplis
"pal solit [i Scottish Oatcakes] a àn la forme di un cuart o un sest di cercli"
gjavât fûr di "Scottish Oatcakes" di Sandri Carrozzo
"sparagnâ la seste part da la spese"
gjavât fûr di "Florean dal Palaç, IV, 13" di Guido Antonioli
sest s.m.
Disposizion ordenade e juste (ancje fig.)
esemplis
"une mondisie, un sest là dentri - e diseve la int - di podê strucjâ la polente dulà che si vûl!"
gjavât fûr di "La aghe da pît la cleve" di Dino Virgili
"ogni robe tal so asset e inmaneade cun sest"
gjavât fûr di "Storie di Vera" di Ivano Urli
"nencja il got dal vin al zovava par meti sest tai resonamints di barba Fodo che al dissidè da jessi stuf da vivi e che al era miei projodi par finîla"
gjavât fûr di "Barba Fodo e la muart" di Novella Cantarutti
sest s.m.
Moviment, spec. des mans o dal cuarp, e mût di movisi
sinonims
moviment, mot, at
esemplis
"e jere daûr a disfâ la strece che jê e puartave intorcolade a cocon. Intant che le disgropave cun sescj di gnervôs, e tufave e e tulugnave"
gjavât fûr di "Trê feminis" di Gianni Gregoricchio
""Âstu dal mat?!" "Tu tu sâs ce che o ai! Un grop sul stomi!" "No coventin chei sescj chi!""
gjavât fûr di "La foghere" di Luciano Rocco
"al tirà sù lis spadulis cuntun sest di fastidi"
gjavât fûr di "Tal ospedâl" di Amedeo Giacomini
detulis
"an bisest, an cence sest"
"an bisest, lis feminis ni cjâf ni sest"
"lis feminis che a nassin in an bisest a son dutis cence sest"
torne sù