Hai cercato la parola
monolingue
Torna indietro

monolingue

sest adi.num., pron.num.
Che intune serie o progression al corispuint al numar sîs
esempi
"o ai fatis nûf garis e, di cuint che o soi rivât te prime, o soi lat simpri peiorant, vadì sest te seconde, setim te tierce [...]"
da "I coridôrs di Tresesin" di Alan Brusini
"i prins elencs di vescui in cheste Glesie di Aquilee, a scomencin tor la fin dal sest secul, dal 500"
da "La Glesie universâl, cence lis Glesiis particolârs, e je un Glesie cence muse" di Francesc Placerean
sest s.m., adi.num.
Ognidune des sîs parts compagnis che si pues dividi un intîr
esempi
"pal solit [i Scottish Oatcakes] a àn la forme di un cuart o un sest di cercli"
da "Scottish Oatcakes" di Sandri Carrozzo
"sparagnâ la seste part da la spese"
da "Florean dal Palaç, IV, 13" di Guido Antonioli
sest s.m.
Disposizion ordenade e juste (ancje fig.)
esempi
"une mondisie, un sest là dentri - e diseve la int - di podê strucjâ la polente dulà che si vûl!"
da "La aghe da pît la cleve" di Dino Virgili
"ogni robe tal so asset e inmaneade cun sest"
da "Storie di Vera" di Ivano Urli
"nencja il got dal vin al zovava par meti sest tai resonamints di barba Fodo che al dissidè da jessi stuf da vivi e che al era miei projodi par finîla"
da "Barba Fodo e la muart" di Novella Cantarutti
sest s.m.
Moviment, spec. des mans o dal cuarp, e mût di movisi
sinonimi
moviment, mot, at
esempi
"e jere daûr a disfâ la strece che jê e puartave intorcolade a cocon. Intant che le disgropave cun sescj di gnervôs, e tufave e e tulugnave"
da "Trê feminis" di Gianni Gregoricchio
""Âstu dal mat?!" "Tu tu sâs ce che o ai! Un grop sul stomi!" "No coventin chei sescj chi!""
da "La foghere" di Luciano Rocco
"al tirà sù lis spadulis cuntun sest di fastidi"
da "Tal ospedâl" di Amedeo Giacomini
proverbi
"an bisest, an cence sest"
"an bisest, lis feminis ni cjâf ni sest"
"lis feminis che a nassin in an bisest a son dutis cence sest"
Torna in Cima