SuperDizionari

sezion s.f.
(se-zi-on)

[TS] (gjeom.) Interuzion di un plan cuntune linie rete o di un solit cuntun plan

esemplis

"sezions orizontâls ogni 1 cm a àn produsût lis 41 curvis di nivel ripuartadis inte Figure 8"

gjavât fûr di "Lis Termis Romanis e la Basiliche Patriarcjâl di Aquilee studiadis midiant lis modernis tecnichis di rilevament e di rapresentazion" di Domenico Visintini

sezion s.f.
(se-zi-on)

Figure che e met in evidence la struture interne di un ogjet come se al fos taiât cuntun plan

esemplis

"la figure e fâs viodi un temporâl madûr in sezion, te fase dal disvilup plen"

gjavât fûr di "Notis di meteorologjie pal Friûl - Vignesie Julie" di Stefano Micheletti, Marcellino Salvador

sezion s.f.
(se-zi-on)

[TS] (chir.) Incision di orghins o di tiessûts

sezion s.f.
(se-zi-on)

Ognidune des ripartizions che a componin un insiemi, un complès, une struture, une organizazion, une istituzion e v.i.

sinonims

dipartiment, ripartizion, scompart, sudivision

esemplis

"l'an dopo, il 1987, lis sezions [dal Premi Friûl] a son adiriture cinc: cjançons, audiovisîfs, contis, poesie, teatri"

gjavât fûr di "Un Friûl difarent: i 90 mhz di Onde Furlane" di Max Mauro

"o faturai ben e no mâl par fâmi dâ il catalic dai reperts, la sezion des monedis antighis"

gjavât fûr di "Il solt di Arlunc" di Gianluca Franco

sezion s.f.
(se-zi-on)

Articolazion locâl di un partît, di un sindicât, di une socie

sinonims

grop, ripartizion, scjap, sede, setôr

esemplis

"[Pier Paolo Pasolini] al doprà la lenghe furlane su manifescj politics cuant che al jere segretari de sezion dal Pci di Cjasarse, daspò de vuere"

gjavât fûr di "Memoriis di politiche linguistiche" di Adrian Cescje

"lu vevin finalmentri nomenât President de Sezion Combatents dal paîs, dopo tancj agns che al spietave e al sperave"

gjavât fûr di "Il discors" di Meni Ucel

sezion s.f.
(se-zi-on)

Ognidune des parts che al pues jessi dividût un test, une composizion, une opare artistiche

sinonims

bande, bocon, cjapitul, part, setôr

esemplis

"intal dizionari tu cjatis une sezion talian - furlan e une sezion furlan - talian"

gjavât fûr di "Presentazion DOF piçul" di Zorç Cadorin

"i Pezzè a levin dacuardi soredut cui Midena e cun Dino Basaldella, e di fat la Partita par piano e je fate di cinc sezions: la Bourrée dedicade a Dino, la Sarabanda a Ermes Midena, il Minuetto a Ines Morandini, la femine di Midena, e la Furlana detta La popona ae sô femine Gigliola"

gjavât fûr di "Friûl e furlans te Histoire de ma vie di Giacomo Casanova" di Pierluigi Visintin

sezion s.f.
(se-zi-on)

[TS] (mus.) Intune orchestre, insiemi dai struments dal stes gjenar

monolengâl