SuperDizionari

torne indaûr

monolengâl

seâ v.tr.
(se-â)

Taiâ cuntune see

sinonims

taiâ

esemplis

"i amîs i àn ancje preparât un biel çoc di len, che i nuviçs a àn di seâ insiemi"

gjavât fûr di "Faliscjis" di Cristina Noacco

"al à cjapât il telâr dal grant jet che lui al doprave di une persone e mieze e lu à seât par traviers, in doi bocons"

gjavât fûr di "Siôr Celso e mister Donald" di Riedo Pup

Viôt ancje: seiâ

seâ v.tr.
(se-â)

Taiâ la jerbe, cul falcet o cun cualsisei altri imprest (ancje ass.)

sinonims

falçâ, sfalçâ

esemplis

"al tocje fruiâsi i vues di un scûr a chel altri, cuant che a son i prâts di seâ, il forment di seselâ e trebiâ, il sorc di ledrâ, lis vîts di spompelâ"

gjavât fûr di "Lis predicjis dal muini" di Josef Marchet

"o scugnivin jevâ a trê di buinore par lâ a seâ i rivâi"

gjavât fûr di "Aiar di cjase" di Franca Mainardis

"Tite Batiston al jere a seâ di chê altre bande dal çuc"

gjavât fûr di "La aghe da pît la cleve" di Dino Virgili

seâ v.tr., v.intr.
(se-â)

[BF] Traviersâ, passâ par mieç (fig.)

sinonims

taiâ, scjavaçâ

esemplis

"i colomps di Cleve a seavin tal aiar fin ca jù"

gjavât fûr di "La aghe da pît la cleve" di Dino Virgili

seâ v.tr.
(se-â)

Copâ cuntun colp o cun plui colps come di alc che al taie e al fâs colâ (fig.)

esemplis

"la plui brute Pasche, puar Vergjilio, e fo chê de Russie, cuant che une sborfade di plomp lu seà in pîts, te nêf"

gjavât fûr di "Vergjilio" di Riedo Pup

seâ v.tr.
(se-â)

Interompi o fâ finî in maniere secje (fig.)

sinonims

taiâ, çoncjâ

esemplis

"pre Checo, come che al sa fâ lui, al à seade la cuistion pustice cuntune des sôs rispuestis"

gjavât fûr di "Memoriis di politiche linguistiche" di Adrian Cescje

seâ v.tr.
(se-â)

Criticâ in maniere violente e secje (fig.)

sinonims

tamesâ, çoncjâ, drazâ, petenâ

seâ v.tr.
(se-â)

[TS] (sport) Tal balon, butâ par tiere un aversari cuntune pidade

sinonims

tirâ jù

detulis

"contadin no stâ seâ parcè che la mari il fi e à di bagnâ"

torne sù