SuperDizionari

sflandorôs adi.
(sflan-do-rôs)

Che al ilumine cun intensitât, che al fâs une vore di lûs

sinonims

slusint, luminôs, lusorôs

esemplis

"une zornade clare, cuiete, cuntun soreli sflandorôs"

gjavât fûr di "Chei di Muraie" di Pieri Menis

"da une viertidure che e cjape mieze parêt cu la vereade a cuadrei di cristal e jentre une lûs sflandorose"

gjavât fûr di "Un pugn di moscjis" di Pieri Somede dai Marcs

sflandorôs adi.
(sflan-do-rôs)

Che si pues paragonâ cu la lûs, par une cualsisei cualitât positive (fig.)

sinonims

lusorôs, luminôs

esemplis

"un popul di antighe e sflandorose civiltât"

gjavât fûr di "L'esempli di adalt" di Josef Marchet

sflandorôs adi.
(sflan-do-rôs)

Fat cun pompe, cun spese, cun ricjece (fig.)

sinonims

pompôs, siôr, lussuôs, ric, sontuôs

esemplis

"dut al jere deventât vêr te sô vite, ancje il matrimoni sflandorôs di un fi"

gjavât fûr di "Cjase di Dalban" di Maria Forte

"Indrì, te tribune di onôr, al è maraveât di chê liturgjie sflandorose"

gjavât fûr di "Patriarcjis fûr dal ordenari" di Diego Navarria

sflandorôs adi.
(sflan-do-rôs)

Une vore biel, che si mostre in dute la sô bielece (fig.)

sinonims

maraveôs, splendit, magnific

esemplis

"la fantate e jere jevade sù denant di lôr in maniere maestose, se pussibil inmò plui biele e sflandorose"

gjavât fûr di "Soreli jevât a mont" di Raffaele Serafini

sflandorôs adi.
(sflan-do-rôs)

Di espression, cjalade e v.i., plene di serenitât, ligrie, felicitât, entusiasim e v.i. (fig.)

sinonims

luminôs, slusint, lusorôs

esemplis

""La int a contin la nestre liende sul clap di cjase…" e zontave Nita cui voi sflandorôs"

gjavât fûr di "La aghe da pît la cleve" di Dino Virgili

"un biel ridi, sflandorôs e sincîr, che i impiave i voi di une lûs di bontât"

gjavât fûr di "Il muc" di Roberto Ongaro

monolengâl