SuperDizionari

sgjavâ v.tr.
(sgja-vâ)

Fâ une buse, in gjenar par tiere o intune superficie, tirant vie materiâl (ancje ass.)

sinonims

ingjavâ, mangjâ, roseâ

esemplis

"il pizighet di bessôl, dut cidin, al continuà a sgjavâ la tiere, fin che al sunà misdì"

gjavât fûr di "Zilugne" di Pieri Menis

"i Batistons a sgjavarin juste sul çuc une grande fonde, e sù i mûrs maestris de cjase, la lobie, la arie, il toblât, i cjôts"

gjavât fûr di "La aghe da pît la cleve" di Dino Virgili

sgjavâ v.tr.
(sgja-vâ)

Fâ un sgjâf archeologjic, tirâ vie materiâl par scuvierzi reperts, liberâ reperts di materiâl che si è ingrumât parsore (ancje ass.)

esemplis

"a rivarin ancje i todescs, che a sgjavarin tra il 1775 e il 1881 e a tirarin fûr la plui part des oparis che a son cumò in esposizion tal museu dongje dal sît"

gjavât fûr di "Viaç aes origjins dal Logos" di Adrian Cescje

sgjavâ v.tr.
(sgja-vâ)

Dâ plui rilêf, fâ jessi o fâ someâ plui definît o cun ingjâfs plui profonts (ancje fig.)

sinonims

intaiâ, sculpî

esemplis

"la ultime lûs e faseve plui blancjis lis colonis antighis, là sù in alt, e lis sgjavave di un fonts di cîl che al jere daûr a scurîsi"

gjavât fûr di "Cjase di Dalban" di Maria Forte

sgjavâ v.tr.
(sgja-vâ)

Cirî in profonditât, ancje alc di imateriâl (fig.)

sinonims

cirî fûr, scandaiâ, lâ insot

esemplis

"mi soi cjapade di sgjavâ fin insom inte mê vite e inta chês des feminis de mê famee"

gjavât fûr di "Trê feminis" di Gianni Gregoricchio

sgjavâ v.intr.
(sgja-vâ)

Jentrâ in profonditât (ancje fig.)

esemplis

"cuant che ogni ilusion i mancjà e cirì dome di sierâsi te sô cjase, e il dolôr al continuà a sgjavâi insot"

gjavât fûr di "Cjase di Dalban" di Maria Forte

monolengâl