SuperDizionari

singul adi., s.m.
(sin-gul)

Che, cui che al è o che al ven considerât di bessôl, che al è un individui dividût di chei altris

esemplis

"a son dirits che si puedin gjoldi in concret dome intune dimension publiche, sociâl e coletive (fale che no si ridusi i dirits linguistics dome ae pussibilitât par un singul individui di fevelâ di bessôl te sô lenghe denant dal spieli…)"

gjavât fûr di "Memoriis di politiche linguistiche" di Adrian Cescje

"une esperience fate di ricuarts, di imagjins, di sensazions, che a puartin tal profont de identitât di un popul, dulà che la situazion vidude dal singul e devente tradizion dal coletîf"

gjavât fûr di "La tô lenghe, la tô tiere" di Christian Romanin

singul adi.
(sin-gul)

Fat par un individui sôl

esemplis

""La cjamara singula le ai", al cuntinivava l'omp in muntura cu li clâfs di oru pontadis inta la pistagna da la gjacheta. "Che al mi favurissie un document"."

gjavât fûr di "Udin - Astoria Hotel" di Ovidio Colùs

singul s.m.
(sin-gul)

[TS] (mus.) Toc musicâl publicât bessôl, no insiemi cun altris intun album

esemplis

"[Tubet] al à presentât il singul “Praise the Almighty” (preâ l'Onipotent), nassût in rêt cul artist gjamaican dancehall reggae Mikeylous, e cjantât in 3 lenghis: patois gjamaican, talian e furlan"

gjavât fûr di "L’ultim lavôr di dj Tubet al puarte gnove vite al rap furlan" di Natascia Gargano

monolengâl