SuperDizionari

siore s.f.
(sio-re)

Femine, spec. maridade o vedue, di nivel sociâl alt, ancje cu lis carateristichis di finece o di altre sorte tipichis de sô classe

esemplis

"lis sioris, come siore Pasche e siore Anzile, anzianis, di bielis manieris che le vevin cjapade in tante simpatie"

gjavât fûr di "Par stradis lungjis" di Alan Brusini

siore s.f.
(sio-re)

Femine maridade

sinonims

femine, parone

esemplis

"chi, a Cretevierte, al usave di vignî a cambiâ la arie, un avocat di Udin cu la sô siore e il frutin"

gjavât fûr di "Cretevierte" di Roberto Ongaro

siore s.f.
(sio-re)

Cun valôr di adi., biel, fat ben

esemplis

"ALTE VILLA e je une siore cjase di altris timps. L'aredament al è in stîl di une volte, cun mobii di vêr len, consolles stîl Fidrì II [...]"

gjavât fûr di "Sense" di Checo Tam

siore s.f.
(sio-re)

Grignel di blave che, scjaldât, al romp il scus e al met fûr l'amit in forme di sponze blancje

sinonims

sclopet

esemplis

"no si straçave nuie. Dut bon: râfs, patatis, sioris di cincuantin, cudumars, tors di verze; e fîcs"

gjavât fûr di "I furlans e la fam" di Riedo Pup

"il Lôf al leve vie nasant lis sioris, / e al diseve tra se: se fossim pioris!"

gjavât fûr di "Il mio tratament" di Pieri Çorut

monolengâl