SuperDizionari

torne indaûr

monolengâl

sium s.m.

Ogni complès di visions, sensazions e percezions che si pandin par vie de ativitât mentâl intant che si duar

sinonims

insium

esemplis

"par dute la gnot al fasè siums imberdeâts e faturôs dulà che a comparivin simpri ancje Rita e Ricardo"

gjavât fûr di "Prime di sere" di Carlo Sgorlon

"Sante Catarine e finive simpri tun biel sium: un sium di gjostris blancjis e lusintis e di corsis sui cjavaluts che a galopavin simpri e no costavin nuie"

gjavât fûr di "I furlans e Sante Catarine" di Riedo Pup

Viôt ancje: siump, sun, sum, siun, suonic

sium s.m.

Fantasie o robe imagjinade, in contrast cu la realtât (fig.)

esemplis

"al jere stât dut masse svelt, masse brut, masse tragjic [...] a si domandavin se al jere vêr o se al jere un sium, metint a messet sium e realtât"

gjavât fûr di "Il muc" di Roberto Ongaro

sium s.m.

Fat reâl ma che al somee di fantasie (iperb.)

esemplis

"no i impuartave dal avignî, e viveve tal sium dal presint un sium che fin a pôcs mês prin no varès olsât a sperâ"

gjavât fûr di "Il muc" di Roberto Ongaro

sium s.m.

Desideri profont e ambiziôs (fig.)

esemplis

"al cjareçave un sium: un sium che lu iluminave par un lamp, ma lu jemplave di rimuars, a penis imbastît. Ogni tant al pensave: "Cuant che no sarà plui mê mari, cuissà che no rivi a cjoli Line?""

gjavât fûr di "Cretevierte" di Roberto Ongaro

"al jere dome un sium, une grampe di ideis cence mani che a fasevin plui mâl che ben, parcè che a saressin deventadis realtât la setemane da lis trê joibis"

gjavât fûr di "Il sium di Lissandri" di Franca Mainardis

"di chel sium di autonomie istituzionâl dal Friûl che al fo di Fausto Schiavi, di pre Checo Placerean e di tancj altris [...] si è realizât pôc"

gjavât fûr di "Tal non di Fausto Schiavi" di Adrian Cescje

detulis

"i siums a son siums"

"i siums de gnot, al dî di un grant poete, a son imagjins dal dì ladis in scuete"

torne sù