SuperDizionari

smolâsi v.pron.intr.
(smo-lâ-si)

Deventâ mancul dûr

sinonims

dismolâsi, inmorbidîsi, morbidîsi

esemplis

"zontâ ancjemò un cimi di curry, cocins e carotis [...]. Cuant che la carote [...] si è smolade avonde, zontâ la cjar"

gjavât fûr di "Cusine etniche, parinte strete de cusine furlane" di Margherita Timeus

smolâsi v.pron.intr.
(smo-lâ-si)

Deventâ mancul strent, mancul tirât o vierzisi o disleâsi

sinonims

dismolâ

esemplis

"une cjaveglade bionde che va a smolasi ta la aghe clipute"

gjavât fûr di "Fantasimis" di Nadia Pauluzzo

smolâsi v.tr.
(smo-lâ-si)

Di alc che si pues calcolâ dûr o ingropât o blocât o stratignût, disblocâsi (fig.)

sinonims

dismolâsi

esemplis

"in prin la sô fuarce gnervose e resisteve po si smolave a planc a planc"

gjavât fûr di "Cjase di Dalban" di Maria Forte

smolâsi v.tr.
(smo-lâ-si)

Vê sintiments, sensazions o pinsîrs di comprension, compassion, solidarietât, disponibilitât e v.i. (fig.)

sinonims

dismolâ

esemplis

""Ogni an che al è an sin simpri di chê… nol si smole par nuie, dûr come un clap… Ma isal mai pussibil che un pari al puedi mantignì un rusin cussì grant tal cûr? [...]""

gjavât fûr di "Gnot di Nadâl" di Pieri Somede dai Marcs

smolâsi v.pron.intr.
(smo-lâ-si)

Slargjâsi, lâ ator

sinonims

slargjâsi, spandisi

esemplis

"in prin cualchi colp al fale, po il cordo si smole a larc, potent, armoniôs intun sunâ gjenerôs di fieste"

gjavât fûr di "L'ultin cordo" di Pieri Somede dai Marcs

monolengâl